కేరళ చిత్రపరిశ్రమలో విషాదం నెలకొంది. ఆ చిత్ర పరిశ్రమకు చెందిన ఓ నటుడు హోటల్ సమీపంలో అనుమానాస్పదంగా కనిపించాడు. కొట్టాయం జిల్లాలోని ఓ హోటల్ సమీపంలో ఈ ఘటన జరిరగింది. పార్క్ చేసివున్న కారులో ఆయన విగతజీవిగా కనిపించాడు. ఈ విషయాన్ని గమనించిన హోటల్ సిబ్బంది పోలీసలకు సమాచారం అందించడంతో వారు ఘటనా స్థలికి చేరుకుని కారు డోర్లు ఓపెన్ చేసి నటుడి మృతదేహాన్ని స్వాధీనం చేసుకుని పంచనామా కోసం ఆస్పత్రికి తరలించారు. మృతుడిని వినోద్ థామస్‌గా గుర్తించారు.
కారులో విగతజీవిగా పడివున్న ఆయనను గుర్తించిన వెంటనే పోలీసులు ఆస్పత్రికి తరలించాం. వైద్యులు పరీక్షించి అప్పటికే మృతి చెందినట్టు నిర్ధారించారని పోలీసులు తెలిపారు. వినోద్ మరణానికి గల కారణాలు తెలియాల్సివుంది. కారులో ఏసీలోని విషపూరిత వాయువు పీల్చడంతో ఆయన మరణించివుండొచ్చని పోలీసులు అనుమానిస్తున్నారు. అయితే, పోస్టుమార్టం తర్వాతే వినోద్ మరణానికి గల కారణం తెలుస్తుందని పోలీసులు చెబుతున్నారు. కాగా, వినోద్ థామస్ మలయాళంలో 'హ్యాపీ వెడ్డింగ్', 'జూన్' వంటి చిత్రాల్లో నటిస్తున్నారు.