చిన్నారులు, వృద్ధులు దోమలు కుట్టకుండా జాగ్రత్తలు తీసుకోవాలని కేరళ ఆరోగ్యశాఖ సూచించింది. కన్నూర్‌లోని తలస్సేరి జిల్లా కోర్టు నుండి జికా వైరస్ ఇన్‌ఫెక్షన్ కేసులు నమోదయ్యాయని, ఆ ప్రాంతంలోని గర్భిణీ స్త్రీలను పరీక్షించడం, ప్రైవేట్ ఆసుపత్రులతో సహా అన్ని ఆసుపత్రులకు మార్గదర్శకాలను జారీ చేయడం వంటి వివరణాత్మక ముందు జాగ్రత్త చర్యలను జిల్లా యంత్రాంగం తీసుకుందని ఆరోగ్య శాఖ తెలిపింది.
శనివారం తలస్సేరిలోని జిల్లా కోర్టు కాంప్లెక్స్‌లోని ఒక కోర్టు ఉద్యోగికి రక్త పరీక్షల ద్వారా జికా ఉన్నట్లు నిర్ధారించారు. కొన్ని రోజుల క్రితం చాలా మంది కోర్టు ఉద్యోగులు, న్యాయ అధికారులు అసౌకర్యం, అలసట, తలనొప్పి, చర్మంపై దద్దుర్లు, కీళ్ల నొప్పులు వున్నాయని తెలపడంతో రక్త నమూనాలను వైరోలాజికల్ విశ్లేషణ కోసం పంపారు.
