కౌషల్ ఆర్మీ అతనిపై తిరుగుబాటు చేసి మీడియా ముందుకు వచ్చి తమ గోడు వెళ్లబోసుకుంటోంది. అతను డబ్బు మనిషి అని, డబ్బున్న ఫ్యాన్స్‌ను మాత్రమే దగ్గరకు రానిస్తాడని, డబ్బు లేకపోతే ఏ మాత్రం కేర్ చేయడని ఆరోపించారు కొంత మంది అభిమానులు. ఇక తాము కూడా అబ్యూసింగ్‌కు గురయ్యామని మహిళా అభిమానులు కూడా ముందుకొచ్చి చెప్తున్నారు. ఆయనను ఎవరూ ఏదీ ప్రశ్నించకూడదని, అలా ఎవరైనా ప్రశ్నిస్తే వారికి వేధింపులకు గురి చేస్తారని ఆరోపించారు.
రాయలసీమ ప్రాంతంలో కౌషల్ ఆర్మీకి అధ్యక్షుడిగా వ్యవహరించిన హరి కుమార్ మాట్లాడుతూ..కౌషల్‌పై ఇష్టంతో ఎన్నోసార్లు డబ్బు పంపానని వాపోయారు. అంతేకాకుండా అతనితో సినిమా చేద్దామని నిర్ణయించుకుని, చాలా డబ్బులు ఖర్చు పెట్టాను. పూజను వాళ్ల ఆఫీసులో జరిపించాం. నెక్స్ట్ డే కాల్ చేసి రెంట్ కింద 25 వేల రూపాయలు ఇవ్వాలని చెప్పారు.
అలా రెంట్ పే చేయాల్సి వస్తే నేను అక్కడే మరో ఆఫీస్ తీసుకుంటానని చెప్పాను, ఇక ఆయన భార్యకు కూడా విధులు అప్పగించి రూ.50 వేలు సాలరీ ఇవ్వాలని, ఆఫీస్ బాయ్‌కు రోజూ రూ.2 వేలు ఇవ్వాలని చెప్పారు. దీనితో విసిగిపోయిన నేను ఈ సినిమా తీయలేనని చెప్పేసాను. ఇక అప్పటి నుండి నాకు వేధింపులు మొదలయ్యాయని వాపోయారు సదరు అభిమాని. ఈ గొంతెమ్మ కోరికలు ఏమిటో మరి.