ఖరీదు కత్రినా కైఫ్ : అందాలు రెట్టింపు చేసుకోవడంలో అందెవేసిన చేయి

బాలీవుడ్ హీరోయిన్లలో కత్రినా కైఫ్ ఒకరు. ఈమె గతంలో ఒకటి రెండు తెలుగు చిత్రాల్లో కూడా నటించారు. విక్టరీ వెంకటేష్ నటించిన "మల్లీశ్వరి" చిత్రం ద్వారా తెలుగు వెండితెరకు పరిచయమైంది. ఆ తర్వాత ఆమెకు పెద్ద అవకాశాలు రాకపోవడంతో తెలుగు వెండితెరకు దూరమైంది. అదేసమయంలో ఆమె బాలీవుడ్‌లో బిజీ అయిపోయి, స్టార్ హీరోయిన్‌గా ఎదిగింది. 

ఈ నేపథ్యంలో కత్రినా కైఫ్ అందానికి అత్యంత ప్రాముఖ్యతనిస్తుంది. ముఖ్యంగా, దుస్తులతో తన అందచందాలను రెట్టింపు చేసుకోవడంలో ఆమె అందెవేసిన చేయని చెప్పొచ్చు. తనకు నచ్చిన కాస్ట్యూమ్‌ ఎంత ఖరీదైనా సరే ఆమె కొనుగోలు చేస్తుంది. ఈ విషయాన్ని ఆమె మరోమారు తాజాగా నిరూపించింది. 

ఇటీవల ఓ డ్రస్‌ కత్రినాకు తెగ నచ్చిందట. దాని ఖరీదు అక్షరాలా రూ.2.2 లక్షలు. అయినా అది నచ్చేయడంతో అంత డబ్బు పోసి మరీ కొనేసిందట. వెంటనే ఆ డ్రస్సు వేసుకుని ఫోటోలుకూడా దిగేసి సోషల్‌ మీడియాలో పోస్టు చేసింది. ఆ ఫోటోలు చూసి కత్రినా అందాన్నీ, ఆ డ్రస్సునీ నెటిజన్లు తెగ మెచ్చుకుంటున్నారట. 

ఈ ఇమేజ్‌ కోసమే కత్రినా ఎప్పుడూ తహతహలాడుతూ ఉంటుందనీ, దాని కోసం ఎంత ఖర్చయినా పెడుతుందని బాలీవుడ్‌ జనాలంటున్నారు. ఒక డ్రస్సుకే అంత ఖర్చు చేస్తే మిగతా కాస్ట్యూమ్స్‌కి ఎంత ఖర్చు చేస్తుందో అంటూ కొందరు ఆశ్చర్యపోతున్నారట. ఎంతయినా కత్రినా చాలా ఖరీదైన హీరోయిన్‌ అన్న మాట ఇప్పుడు ప్రతి నోటా వినపడుతోంది.