న్యూజిలాండ్ లో 600 మంది హాలీవుడ్, మరియు భారతదేశంలోని అతిరధ మహారధులైన నటీనటులతో, థాయిలాండ్, న్యూజిలాండ్ సాంకేతిక నిపుణులతో, విష్ణు మంచు కథానాయకుడిగా నిర్మిస్తున్న చిత్రం 'కన్నప్ప'. 90 రోజుల మొదటి షెడ్యూల్ న్యూజిలాండ్ లోని అద్భుతమైన లొకేషన్స్ లో ఆ పరమేశ్వరుడు, షిర్డీ సాయినాథుని ఆశీస్సులతో అనుకున్నది అనుకున్నట్టుగా దిగ్విజయంగా షూటింగ్ పూర్తి చేసుకుని భారతదేశానికి తిరిగి వస్తున్నాం అని మంచు మోహన్ బాబు ప్రకటనలోతెలియజేశారు.
విష్ణు మంచు సరసన ప్రీతి ముకుందన్ నటించనున్నారు. ఇంకా, మోహన్‌లాల్, ప్రభాస్ వంటి వారు నటిస్తున్న ఈ కన్నప్ప మూవీ దర్శకుడు ముఖేష్ కుమార్ సింగ్ మాట్లాడుతూ, కన్నప్ప సినిమా నటీనలులకు, సాంకేతిక సిబ్బందికి మైలురాయిలా వుంటుందని పేర్కొంటూ, శివుని ఆశీస్సులతో ఈ సినిమా చేయగలిగానని తెలిపారు.