ప్రెగ్నెన్సీ లేదు.. గాడిద గుడ్డూ లేదు : కాజల్ అగర్వాల్

గత కొన్ని రోజులుగా టాలీవుడ్ చందమామ కాజల్ అగర్వాల్ గర్భందాల్చినట్టు వార్తలు చక్కర్లు కొడుతున్నాయి. కాజల్ గర్భందాల్చిందనీ అందుకే ముందుగా అంగీకరించిన ప్రాజెక్టుల నుంచి ఆమె తప్పుకుంటున్నారనే ప్రచారం జోరుగా సాగింది. 

ఇపుడు ఈ వార్తలపై కాజల్ అగర్వాల్ స్పందించారు. "ఈ విషయం గురించి ఇప్పుడు నేను మాట్లాడాలని అనుకోవట్లేదు. సరైన సమయంలో దీని గురించి స్పందిస్తా" అని చెప్పింది. 

కాజల్​ చెల్లిగా సినీ ఇండస్ట్రీలో అడుగుపెట్టి కొన్ని చిత్రాల్లో నటించిన నిషా అగర్వాల్​ ఓ వ్యాపారవేత్తను పెళ్లి చేసుకుని సినిమాలకు గుడ్​బై చెప్పింది. ఆమెకు ఓ అబ్బాయి. అయితే కాజల్ కూడా​ త్వరగా తల్లి అవ్వాలని తాను కోరుకుంటున్నట్లు పలు సందర్భాల్లో తెలిపింది.

ఈ విషయమై స్పందించిన 'చందమామ' భామ.. "ఈ విషయం నన్ను ఎంతగానో ఉత్తేజపరుస్తుంది. కానీ అదేసమయంలో ఒత్తిడికి కూడా లోనవుతా. నిషా జీవితం ఎలా మార్పు చెందుతూ వచ్చిందో చూశా. ఆమె జీవితానికి పరిపూర్ణత వచ్చింది. తల్లిగా మారడం అనేది ఓ అద్భుతమైన అనుభూతి. ఆ దశలో సెల్ఫ్​ రియలైజేషన్​ అవుతారని అనుకుంటా. 

అయినా నిషా కుమారుడుతో ఉన్నప్పుడు నన్ను నేను ఓ తల్లిగా భావిస్తా. ఇప్పుడు మా ఇంట్లో మియా(పెంపుడు కుక్క) వచ్చాక కూడా.. నేను, గౌతమ్​ తల్లిదండ్రులుగా ఫీల్​ అవుతున్నాం. నాకు సొంత పిల్లలు పుట్టినప్పుడు ఈ ఎమోషన్​ ఇంకా ఎక్కువ అవుతుందనుకుంటా" అని కాజల్​ చెప్పింది.