"జై లవ కుశ" వంటి చిత్రంలో నటించడం తనకు భగవంతుడు కల్పించిన అరుదైన చిత్రం అని జూనియర్ ఎన్టీఆర్ వ్యాఖ్యానించారు. ఆయన నటించిన తాజా చిత్రం "జై లవ కుశ" ఆడియో రిలీజ్ వేడుకలు ఆదివారం రాత్రి జరిగింది.
"జై లవ కుశ" వంటి చిత్రంలో నటించడం తనకు భగవంతుడు కల్పించిన అరుదైన చిత్రం అని జూనియర్ ఎన్టీఆర్ వ్యాఖ్యానించారు. ఆయన నటించిన తాజా చిత్రం "జై లవ కుశ" ఆడియో రిలీజ్ వేడుకలు ఆదివారం రాత్రి జరిగింది. ఈ సందర్భంగా జూనియర్ ఎన్టీఆర్ మాట్లాడుతూ.... "జై లవ కుశ" ఒక చిత్రం కాదు. ఎందుకంటే, ఇలాంటి చిత్రంలో నటించే అవకాశం ఒక నటుడికి అరుదుగా భగవంతుడు ఇవ్వడం జరుగుతుంది. 'జనతా గ్యారేజ్' సినిమా తర్వాత నేను ఏం సినిమా చేయాలని బాగా కన్ఫ్యూజ్ అయిపోయాను. మనసుకు నచ్చిన చిత్రం చేయాలా? లేదా ట్రెండ్ ఫాలో అవుతూ వెళ్లాలా? అనే విషయం నాకు అర్థం కాలేదు.
ఎప్పుడైతే, దర్శకుడు బాబీ వచ్చి ‘జై లవ కుశ’ చిత్రం కథ చెప్పడం జరిగిందో ఆ రోజున గట్టిగా నిర్ణయించుకున్నాను. నా మనసుకు బాగా నచ్చిన కథ 'జై లవ కుశ'. ఈ కథ ఎందుకు బాగా నచ్చిందంటే.. బాగా ఎమోషనల్ అయిపోయే పాయింట్ ఏంటంటే.. ఈ చిత్రం కేవలం ఒక చిత్రం కాదు. నేను, మా అన్నయ్య కళ్యాణ్ రామ్‌తో పాటు మా పెద్దన్నయ్య కీర్తిశేషులు జానకిరామ్ కూడా ఈ రోజున ఈ స్టేజ్‌పై ఉంటే ‘జై లవ కుశ’ అనేది సార్థకమయి ఉండేదేమో!.. మేము అనుకున్నట్టు అన్నీ జరిగి ఉంటే, మా నాన్నగారి 60వ పుట్టినరోజు కానుకగా ఈ నెల 2న ఈ చిత్రాన్ని ఇద్దామని అన్నదమ్ములిద్దరమూ అనుకున్నాం. కానీ, కుదర్లేదు. 2 అయితే ఏముంది 21 అయితే ఏముందీ, నాన్నగారికి ఈ చిత్రం కానుకగా ఇవ్వాలి. నాన్నా.. అన్నదమ్ములుగా మేము చేసిన చిత్రమిది.. అని చెప్పాలనే కోరిక ఉంది’ అని జూనియర్ ఎన్టీఆర్ భావోద్వేగంతో అన్నారు.