జూ.ఎన్టీఆర్ "జై లవ కుశ"లో తమన్నా ఐటమ్ సాంగ్
జూనియర్ ఎన్టీఆర్ హీరోగా నటిస్తున్న తాజా చిత్రం జై లవ కుశ. ఈ చిత్రానికి సంబంధించిన మూడు రకాల టీజర్లను ఇటీవలే విడుదల చేశారు. అయితే, ఈ చిత్రంలో ఓ స్టార్ హీరోయిన్ ఐటమ్ సాంగ్ పాటలో కనిపించనుంది. ఆ స్టార్ హ
జూనియర్ ఎన్టీఆర్ హీరోగా నటిస్తున్న తాజా చిత్రం జై లవ కుశ. ఈ చిత్రానికి సంబంధించిన మూడు రకాల టీజర్లను ఇటీవలే విడుదల చేశారు. అయితే, ఈ చిత్రంలో ఓ స్టార్ హీరోయిన్ ఐటమ్ సాంగ్ పాటలో కనిపించనుంది. ఆ స్టార్ హీరోయిన్ ఎవరో కాదు.. తెల్లపిల్ల తమన్నా.
ఈమె ఒక వైపున స్టార్ హీరోయిన్‌గా కొనసాగుతూనే.. మరో వైపున స్పెషల్ సాంగ్స్ చేస్తూ వస్తోంది. 'అల్లుడు శీను'.. 'జాగ్వార్' వంటి సినిమాల్లో కొత్త కథానాయకుల కాంబినేషన్‌లో ఆమె స్పెషల్ సాంగ్స్ చేయడం విశేషం. అలాంటి తమన్నా 'జై లవ కుశ' సినిమాలోను స్పెషల్ సాంగ్ చేయనున్నట్టు సమాచారం. ఎన్టీఆర్ త్రిపాత్రాభినయం చేస్తోన్న 'జై లవ కుశ' సినిమా.. షూటింగ్ పరంగా చివరిదశకు చేరుకుంది.
ఈ సినిమాలో ఒక స్పెషల్ సాంగ్ ఉండటంతో, తమన్నాతో చేయిస్తే బాగుంటుందని భావించి ఆమెను సంప్రదించారట. తమన్నా ఎంత మాత్రం ఆలోచించకుండా ఓకే చెప్పేసిందన్నారు. ఇందుకోసం ఆమె భారీ మొత్తమే పారితోషికంగా అందుకోనుందని వినికిడి. ఇక ఈ విషయాన్ని అధికారికంగా ప్రకటించవలసి ఉంది. 'జనతా గ్యారేజ్'లో "పక్కా లోకల్ .. "అనే స్పెషల్ సాంగ్ మాదిరిగానే ఇది కూడా సూపర్ హిట్ అవుతుందని యూనిట్ చెబుతోంది.
