జయమ్మ పంచాయతీ టైటిల్ సాంగ్ న‌చ్చిందన్న రాజ‌మౌళి

Suma

ప్ర‌ముఖ ద‌ర్శ‌కుడు ఎస్ఎస్ రాజమౌళి ఆదివారంనాడు జయమ్మ పంచాయతీ` టైటిల్ సాంగ్‌ను ఆవిష్కరించారు. ఎవరికీ, దేనికీ లొంగని స్వార్థపూరితమైన పల్లెటూరి మహిళగా సుమ నటించింద‌నేది ఈరోజు విడుద‌లైన టైటిల్ సాంగ్‌లో క‌నిపిస్తోంది. ఎం.ఎం. కీరవాణి సంద‌ర్భానుసారంగా బాణీలు స‌మ‌కూర్చారు. దీనికి శ్రీకృష్ణ గాత్రం అందించారు. రామజోగయ్య శాస్త్రి సాహిత్యం రాశారు.  ఈ పాట ఫన్నీ విజువల్స్‌తో ఆక‌ట్టుకునేలా వుంది. ఈ టైటిల్ సాంగ్ త‌న‌కు బాగా న‌చ్చింద‌ని రాజ‌మౌళి ట్వీట్ చేశాడు.

టైటిల్ రోల్‌ను సుమ కనకాల పోషించ‌గా వెన్నెల క్రియేషన్స్‌ పతాకంపై బలగ ప్రకాష్‌ నిర్మించారు. విజయ్ కుమార్ కలివరపు ద‌ర్శ‌క‌త్వం వ‌హించారు.

చిత్రం గురించి చెప్పాలంటే, పల్లెటూరి డ్రామా చిత్రమే `జయమ్మ పంచాయతీ`. ప్ర‌ధాన పాత్ర‌తో సుమ‌ సినిమాల్లోకి రీ-ఎంట్రీ ఇస్తోంది. షూటింగ్ పూర్త‌యిన ఈ చిత్ర గురించి చిత్ర యూనిట్ ప్ర‌చారం మొద‌లు పెట్టింది. ఇటీవ‌లే మెగా పవర్ స్టార్ రామ్ చరణ్ టైటిల్,  ఫస్ట్ లుక్ పోస్టర్‌ను విడుదల చేశారు. ఆ త‌ర్వాత‌ నేచురల్ స్టార్ నాని ఫస్ట్ సింగిల్, హ్యాండ్సమ్ హంక్ రానా దగ్గుబాటి ఈ సినిమా టీజర్‌ను విడుదల చేశారు. ఈరోజు ఈ సినిమా టైటిల్ సాంగ్‌ను ప్రముఖ దర్శకుడు ఎస్ఎస్ రాజమౌళి ఆవిష్కరించారు.

దర్శకుడు విజయ్ కుమార్ కలివరపు సినిమా కోసం వర్కబుల్ సబ్జెక్ట్‌తో ముందుకు వచ్చాడు. ఈ సినిమా టీజర్‌కి కూడా అద్భుతమైన స్పందన వచ్చింది.

వెన్నెల క్రియేషన్స్‌ పతాకంపై బలగ ప్రకాష్‌ నిర్మిస్తున్న ఈ చిత్రానికి అనుష్క కుమార్‌ కెమెరా విభాగం బాధ్యతలు నిర్వర్తిస్తున్నారు.

త్వరలో సినిమాను విడుదల చేసేందుకు నిర్మాతలు ప్లాన్ చేస్తున్నారు.