రూ.200 ఫైన్ కట్టిన హీరో రామ్.. ఎందుకంటే..?

ఎనర్జిటిక్ హీరో రామ్ తాజాగా నటిస్తున్న చిత్రం ఇస్మార్ట్ శంకర్ సినిమా షూటింగ్ దాదాపుగా పూర్తయింది. ఓవైపు షూటింగ్ జరుపుకుంటున్నప్పటికీ మరోవైపు చిత్రానికి సంబంధించి ప్రమోషన్స్ చేస్తున్నారు.

పాతబస్తీ కుర్రాడి కథ నేపథ్యంతో తెరకెక్కుతున్న ఈ సినిమాలో రామ్ చాలా ఎనర్జిటిక్ పాత్రలో కనిపిస్తున్నాడు. ఈ సినిమాపై భారీ అంచనాలు నెలకొని ఉన్నాయి.

అయితే అసలు విషయం ఏమిటంటే ఈ సినిమా షూటింగ్ సమయంలో హీరో రామ్ పాతబస్తీలోని నో స్మోకింగ్ జోన్‌లో సిగరెట్ కాలుస్తూ కనిపించాడు.

నో స్మోకింగ్ జోన్‌లో సిగరెట్ కాలుస్తున్న రామ్‌కు అధికారులు రూ.200 రూపాయలు ఫైన్ వేసారు. ఈ ఫోటో ప్రస్తుతం వైరల్‌గా మారింది. రామ్ హీరోగా నటిస్తున్న ఈ చిత్రం జూలై 18వ తేదీన రిలీజ్ కానున్నది.