సలార్ సినిమాతో యాక్షన్ హీరోగా ట్రెండ్ స్రిష్టించిన రెబల్ స్టార్ ప్రభాస్ దానికి సీక్వెల్ గా తీయాలని అనుకున్నారు. ఆ సినిమా విజయం తర్వాత పలు ప్రాజెక్ట్ లను చేస్తున్న ప్రభాస్ తాజాగా దర్శకుడు మారుతీతో రాజాసాబ్ చేస్తున్నాడు. అది పూర్తికావచ్చింది. ఇక ఆ తర్వాత స్పిరిట్ కూడా చేయనున్నాడు. కాగా, తాజాగా దర్శకుడు ప్రశాంత్ నీల్ పుట్టినరోజు సందర్భంగా ఓ పోస్టర్ ను విడుదల చేశారు సలార్ దర్శకుడు.
ఈ భారీ యాక్షన్ థ్రిల్లర్ చిత్రం పార్ట్ 2 రంగం సిద్ధమైంది. మొదటి పార్ట్ లో ప్రభాస్ ఈ సినిమాలో పృథ్వీరాజ్ సుకుమారన్ పోషించిన వరద రాజమన్నార్ పాత్రకి సలార్ గా కనిపిస్తాడని తెలిసిందే. కానీ తనకు అసలు సలార్ ఎవరనేది ఆసక్తికరంగా ప్రభాస్ చెప్పుకొచ్చాడు. దర్శకుడు ప్రశాంత్ నీల్ నే తన సలార్ అంటూ నేడు ప్రశాంత్ నీల్ పుట్టినరోజు సందర్భంగా ప్రత్యేక విషెస్ ని తాను సోషల్ మీడియాలో చెప్పడం వైరల్ గా మారింది. నీ మ్యాడ్నెస్ ని పార్ట్ 2 లో చూసేందుకు ఫ్యాన్స్ కంటే నేనే ఎక్కువగా ఆసక్తిగా వున్నానని ప్రభాస్ చెబుతున్నాడు.