ఎస్. శంకర్, రామ్ చరణ్ కాంబినేషన్‌లో తెరకెక్కిన చిత్రం "గేమ్ ఛేంజర్". దిల్ రాజు నిర్మాత. ఈ చిత్రం టీజర్‌ను ఈ నెల 9వ తేదీన లక్నో వేదికగా విడుదల చేశారు. వచ్చే యేడాది జనవరి 10వ తేదీన చిత్రం విడుదలకానుంది. అయితే, ఈ చిత్రం టీజర్‌కు వస్తున్న స్పందన అంతాఇంతాకాదు. కేవలం ఒక్క రోజు వ్యవధిలోనే ఎవరూ ఊహించని స్థాయిలో 55 మిలియన్ వ్యూస్‌ను సొంతం చేసుకుంది.
ఈ టీజర్‌ను వినూత్న రీతిలో, ఎన్నడూ లేని విధంగా ఉత్తరప్రదేశ్ రాష్ట్ర రాజధాని లక్నోలో మేకర్స్ రిలీజ్ చేసిన విషయం తెల్సిందే. ఈ కార్యక్రమంలో హీరో రామ్ చరణ్, హీరోయిన్ కియారా అద్వానీ, నటీనటులు అంజలీ, ఎస్.జె.సూర్య, నిర్మాత దిల్ రాజులు పాల్గొన్నారు. తెలుగు, తమిళం, హిందీ, కన్నడం, మలయాళ భాషల్లో ఈ టీజర్‌ను రిలీజ్ చేయగా, ప్రతి భాషలోనూ 'గేమ్ ఛేంజర్' వ్యూస్ పరంగా దూసుకెళుతుంది.