వివి వినాయక్ నటుడి అవతారం ఎత్తాడు. తాజాగా అతడు హీరోగా నటించే సినిమా నుంచి ఫస్ట్ లుక్ వచ్చేసింది. ఈ లుక్‌లో వినాయక్ స్టైల్ అదిరింది. వివినాయక్ దర్శకుడిగా అనేక సినిమాలకు దర్శకత్వం వహించిన సంగతి తెలిసిందే. ఆది, ఠాగూర్, చెన్నకేశవరెడ్డి, అదుర్స్, దిల్ రీసెంట్‌గా ఖైదీ నెంబర్ 150 వంటి సినిమాలు వినాయక్ తీసిన సినిమాల్లో ఉత్తమ చిత్రాలని చెప్పవచ్చు.
ప్రస్తుతం ఈ దర్శకుడు హీరోగా మారిపోయాడు. దిల్ రాజు నిర్మాణంలో వివి వినాయక్ టైటిల్ పాత్రలో ''సీనయ్య'' అనే సినిమా చేస్తున్నారు. టైటిల్ క్లాస్‌గా ఉన్నా ఆ టైటిల్‌ను డిజైన్ చేసిన విధానం పక్కా మాస్‌గా కనిపిస్తోంది.
వినాయక్ లుక్ సైతం అంతే మాస్‌గా ఉన్నది. చేతిలో ఓ రెంచ్, మెడలో రెడ్ కలర్ టవల్‌తో సీరియస్ లుక్‌లో వున్న ఫోటో ప్రస్తుతం రిలీజ్ అయ్యింది. వివి వినాయక్ పుట్టినరోజు సందర్భంగా ఈరోజు ఫస్ట్ లుక్‌ను రిలీజ్ చేశారు.
శరభ సినిమాకు దర్శకత్వం వహించిన నరసింహారావు ఈ సినిమాకు దర్శకత్వం వహిస్తున్నారు. దిల్ రాజు నిర్మాణంలో సినిమా తెరకెక్కుతుండటం విశేషం. ఇంకేముంది.. దర్శకుడిగా తన సత్తా చాటిన వినాయక్.. నటుడిగా ప్రేక్షకులను మెప్పిస్తాడో లేదో వేచి చూడాలి.