జక్కన్నఎస్ఎస్ రాజమౌళి ఆర్ఆర్ఆర్ సినిమాపై సీనియర్ దర్శకుడు, నిర్మాత తమ్మారెడ్డి భరద్వాజ్ కొన్ని షాకింగ్ వ్యాఖ్యలు చేశారు. ఆర్ఆర్ఆర్ టీమ్‌కి సంబంధించిన ఫ్లైట్‌ టిక్కెట్ల ఖర్చుతో 8 సినిమాలు తీయవచ్చని చెప్పారు. తమ్మారెడ్డి తరచూ వివాదాస్పద వ్యాఖ్యలు చేస్తుంటారు.
తాజాగా రవీంద్రభారతిలో జరిగిన ఓ కార్యక్రమంలో పాల్గొన్న తమ్మారెడ్డి భరద్వాజ ఆర్ఆర్ఆర్ సినిమాపై సంచలన వ్యాఖ్యలు చేశారు. ఆర్ఆర్ఆర్ చిత్రానికి రూ.600 కోట్ల బడ్జెట్‌ అని చెప్పారు. ఇప్పుడు ఆస్కార్ అవార్డుల కోసం మరో 80 కోట్లు ఖర్చు పెట్టారు. అలా కాకుండా అదే 80 కోట్లతో 8 లేదా 10 సినిమాలు తీయగలరని తమ్మారెడ్డి అన్నారు.
మనకు నచ్చినట్లు సినిమాలు తీయాలి తప్ప ఎవరినో ఒకరికి నేర్పించడానికి కాదు. తమ్మారెడ్డి వ్యాఖ్యలు RRR అభిమానులకు, ఇతర నెటిజన్లకు అంతగా నచ్చలేదు. తమ్మారెడ్డి అనుకున్నంత సాదాసీదాగా ఆస్కార్ ప్రమోషన్‌లు జరగవని, ఇంత పెద్ద స్థాయిలో గుర్తింపు రావాలంటే సినిమా తీయాలంటే కచ్చితంగా పెద్దమొత్తంలో డబ్బు కావాలనే విధంగా తమ్మారెడ్డి చేసిన కామెంట్స్ నెట్టింట వైరల్ అవుతున్నాయి.
ఇకపోతే.. RRR నాటు నాటు పాట ఉత్తమ పాటల విభాగంలో ఆస్కార్ 2023కి నామినేట్ చేయబడింది. అంతేకాకుండా, ఈ పాటను గాయకులు రాహుల్ సిప్లిగంజ్- కాల భైరవ ఆస్కార్ వేదికపై ప్రత్యక్ష ప్రసారం చేయనున్నారు.
95వ ఆస్కార్ అకాడమీ అవార్డుల ప్రదానోత్సవం మార్చి 12న లాస్ ఏంజిల్స్‌లోని డాల్బీ థియేటర్‌లో జరగనుంది. రాజమౌళి, ఎన్టీఆర్, చరణ్, RRR మొత్తం టీమ్ గ్రాండ్ నైట్‌కి హాజరయ్యే అవకాశం ఉంది.