కంటెంట్ 'క్వీన్'... విజువల్స్ 'కింగ్' అంటున్న అమలాపాల్... నగ్నంగా ఆ సీన్స్...

కంటెంట్ రాణిలాంటిదయితే దృశ్యాలు రాజులాంటివని చెపుతోంది ఆడై చిత్రంలో నటించిన అమలాపాల్. ఈ చిత్రానికి సంబంధించిన తాజా టీజర్ ప్రకంపనలు సృష్టిస్తోంది. అమలాపాల్ ప్రస్తుతం ''ఆడై'' అనే సినిమాలో నటిస్తోంది. ఈ సినిమాకు సంబంధించిన పోస్టర్‌లో అరకొర దుస్తులతో దర్శనమిచ్చిన అమలాపాల్.. ప్రస్తుతం విడుదలైన ట్రైలర్‌లో మహా బోల్డ్‌గా నటించింది.

ఇదివరకే కోలీవుడ్ హీరోయిన్లలో ఏ కథానాయికా చేయని సాహసం అమలాపాల్ చేసింది. ఆడై నుంచి విడుదలైన ట్రైలర్‌లో నగ్నంగా కనిపించింది. ఈ ట్రైలర్ ఆరంభంలో కుమార్తె కనిపించలేదని పోలీసులకు ఓ తల్లి ఫిర్యాదు చేయడం.. పోలీసులు ఆమెను వెతుక్కుంటూ వెళ్లడం.. ఈ ట్రైలర్‌లో కనిపిస్తుంది. ఈ టీజర్‌ను ప్రముఖ బాలీవుడ్ నిర్మాత కరణ్ జోహార్ విడుదల చేశారు. కామిని అనే రోల్‌లో కనిపించిన అమలా పాల్, ఓ క్లిష్ట పరిస్థితి నుంచి గట్టెక్కుతుందని ఈ ట్రైలర్‌ను చూస్తే తెలిసిపోతుంది. 

ఇక ఆడై ట్రైలర్‌ను కరణ్ జోహార్ విడుదల చేశారని.. అమలా పాల్ ట్విట్టర్‌లో వెల్లడించింది. ఇంకా బాలీవుడ్ కింగ్ మేకర్ ఆడై టీజర్‌ను విడుదల చేయడం సంతోషంగా వుందని చెప్పింది. ఈ టీజర్ ప్రస్తుతం నెట్టింట వైరల్ అవుతోంది.