మెగాస్టార్ చిరంజీవి అల్లుడు క‌ళ్యాణ్‌దేవ్ హీరోగా న‌టిస్తున్న విష‌యం తెలిసిందే. ఈరోజు దేవ్ పుట్టిన రోజు. ఈ సంద‌ర్భంగా ఆయ‌న న‌టిస్తున్న "కిన్నెర‌సాని" మోష‌న్ పోస్టర్ ను చిత్ర యూనిట్ విడుదల చేసింది. అందులో మహతి సాగ‌ర్ నేప‌థ్య సంగీతంతో పోస్టర్ వుంది. నాయిక క‌నులు మాత్ర‌మే క‌నిపించేవిధంగా మోష‌న్ పోస్టర్ ద‌ర్శ‌న‌మిచ్చింది. ర‌మ‌ణ తేజ (అశ్వ‌ధామ ఫేమ్) ద‌ర్శ‌క‌త్వం వ‌హిస్తున్నాడు.
రామ్ త‌ళ్లూరి నిర్మాణ సార‌థ్యంలో తెరకెక్కుతున్న. ఈ సినిమాను ఎస్.ఆర్.టి ఎంట‌ర్ టైన్మెంట్స్, శుభమ్ ఎంట‌ర్ టైన్మెంట్స్ సంయుక్తంగా నిర్మిస్తున్నాయి. కంటెంట్ కి పెద్ద పీఠ వేస్తూ, నిర్మాణ విలువ‌ల్లో ఎక్క‌డా రాజీ ప‌డ‌కుండా సినిమాలు నిర్మిస్తున్న ఎస్.ఆర్.టి ఎంట‌ర్ టైన్మెంట్స్ వారు కిన్నేసాని చిత్రాన్ని సైతం ప్ర‌తిష్ఠాత్మ‌కంగా నిర్మిస్తున్నారు.
కిన్నెర‌సాని టైటిల్ లుక్ పోస్టర్ కు, ఆ త‌రువాత విడుదల చేసిన గ్లిమ్ప్స్ వీడియోకు అన్ని వ‌ర్గాల ప్రేక్ష‌కుల నుంచి అనూహ్య స్పంద‌న ల‌భించింది. ఈ నేప‌థ్యంలో ఫిబ్రవరి 11న హీరో క‌ళ్యాణ్ దేవ్ పుట్టిన రోజు సంద‌ర్భంగా కిన్నెర‌సారి చిత్రం బృందం ఓ మోష‌న్ పోస్టర్ ని సిద్ధం చేసి విడుదల చేశారు. ఈ సినిమా సాయిరిషిక స‌మ‌ర్ప‌ణ‌లో ర‌జ‌నీ త‌ళ్లూరి, ర‌వి చింత‌ల ఈ సినిమాకు నిర్మాత‌లుగా రూపొందుతుంది. ఈ చిత్రానికి దేశరాజ్ సాయితేజ క‌థ, కథనం అందిస్తున్నారు. గ‌తంలో సాయితేజ్ క‌ల్కి వంటి హిట్ చిత్రానికి స్టోరీ అందించ‌డం విశేషం. అలానే ఛ‌లో, భిష్మ వంటి బ్లాక్ బ‌స్ట‌ర్ చిత్రాల‌కి సంగీతాన్ని మహతి సాగ‌ర్ ఈ సినిమాకు సంగీతాన్ని అందిస్తున్నారు.