ప్రతీ సందర్భానికి ఒక రోజు ఉన్నట్లే.. ప్రేమ గొప్పతనాన్ని చాటి చెప్పేందుకు కూడా ఒక రోజు ఉంది. అది ఫిబ్రవరి 14, ప్రేమికుల రోజు. ఈ ప్రేమికుల రోజు.. ప్రతీ ఒక్కరూ తాము ప్రేమించేవారికి తమ ప్రేమను మరింత గొప్పగా చెప్పాలనుకుంటారు.
అందుకే ఈ సందర్భాన్ని ఒక మర్చిపోలేని రోజుగా మార్చాలని భావించిన జీ తెలుగు ఒక మధ్య తరగతి కుటుంబంలో ప్రేమ మరియు మమతానురాగాలు ఏవిధంగా ఉంటాయో చూపించండానికి ఈ వాలెంటైన్స్ డే ఫిబ్రవరి 14న మధ్యాహ్నం 12 గంటలకు మిడిల్ క్లాస్ మెలోడీస్ సినిమాను వరల్డ్ టెలివిజన్ ప్రీమియర్‌గా ప్రసారం చేయనుంది జీ తెలుగు.
గుంటూరు దగ్గరలోని ఓ పల్లెటూరులో కాకా హోటల్ నడుపుకునే కొండలరావు (గోపరాజు రమణ) కొడుకు రాఘవ (ఆనంద్ దేవరకొండ) బొంబాయి చట్నీ బాగా చేస్తాడు. అయితే, గుంటూరులో హోటల్ పెట్టి అక్కడి ప్రజలకు తన బొంబాయి చట్నీ రుచి చూపించి ఫేమస్ అయిపోవాలని రాఘవ కలలు కంటూ ఉంటాడు. కానీ, గుంటూరులో హోటల్ పెట్టడం రాఘవ తండ్రికి అస్సలు ఇష్టం ఉండదు.
మరోవైపు వరసకు మావయ్య అయ్యే నాగేశ్వరరావు కూతురు సంధ్య (వర్ష బొల్లమ్మ)ను రాఘవ ప్రేమిస్తాడు. కానీ సంధ్యకు వాళ్ల నాన్న వేరే సంబంధాలు చూస్తుంటాడు. ఇలాంటి పరిస్థితుల మధ్య రాఘవ హోటల్ పెట్టి ఎలా సక్సెస్ అయ్యాడు? సంధ్యను పెళ్లి చేసుకున్నాడా? ఈ క్రమంలో రాఘవ ప్రయాణం ఎలా సాగింది? అనే విషయాలు ఈ సినిమాలో చూడాలి. సో మిస్ అవ్వకుండా ఈ వాలెంటైన్స్ డే ఫిబ్రవరి 14 న మధ్యాహ్నం 12 గంటలకు 'మిడిల్ క్లాస్ మెలోడీస్' ను చూడండి.
