2 రోజుల్లో "బ్రహ్మాస్త" అంత కలెక్ట్ చేసిందా?

బాలీవుడ్ హీరో రణ్‌బీర్ కపూర్, ఆయన భార్య అలియా భట్, మౌనీ రాయ్, అక్కినేని నాగార్జున, అమితాబ్ బచ్చన్ వంటి వారు కలిసి నటించిన చిత్రం "బ్రహ్మాస్త్ర". ఈ చిత్రం శుక్రవారం విడుదలైంది. విడుదైన రెండు రోజుల్లోనే ఈ మూవీ ఏకంగా రూ.160 కోట్లను వసూలు చేసినట్టు చిత్ర నిర్మాణ సంస్థ అధికారికంగా ప్రకటించింది. ఈ వారానికి ఈ సంఖ్య రూ.250 కోట్లకు చేరుకుంటుందని అంచనా వేస్తున్నారు. 

"బ్రహ్మాస్త్ర" సినిమా అధికారిక ట్విట్టర్ పేజీలో రెండు రోజుల్లో బాక్సాఫీస్ రూ.160 కోట్ల వసూళ్లును నమోదు చేసిందంటూ ఓ గ్రాపిక్ ఇమేజ్‌ను పోస్టో చేసింది. హిందీ వెర్షన్‌కు డబ్బింగ్‌గా తమిళనాడులో విడుదలకాగా, అక్కడ కూడా "బ్రహ్మాస్త్ర" సరికొత్త రికార్డులను నెలకొల్పుతోంది. రూ.1.20 కోట్లను మొదటిరోజే రాబట్టింది. 

తమిళనాటు ఓ బాలీవుడ్ చిత్రానికి వచ్చిన మొదటి రోజు అత్యధిక కలెక్షన్లు ఇదేనని కోలీవుడ్ వర్గాల సమాచారం. ఈ మూవీని తమిళంతో పాటు తెలుగు, కన్నడం, మలయాళం భాషల్లో కూడా రిలీజ్ చేసిన విషయం తెల్సిందే.