బాలీవుడ్ నటుడు సలీం గౌస్ కన్నుమూశారు. సినీ నటుడిగానూ ప్రముఖ టీవీ నటుడు సలీం గౌస్ 70 ఏళ్ళ వయస్సులో అనారోగ్యంతో ముంబైలో తుదిశ్వాస విడిచారు. సలీంకు మంచి నటుడిగానే కాదు మంచి మనసున్న మనిషిగా బాలీవుడ్‌లో పేరు ఉంది.
సలీం మృతితో బాలీవుడ్‌లో విషాద చాయలు అలముకున్నాయి. ఎన్నో వైవిధ్యమైన పాత్రలకు పెట్టింది పేరుగా నిలిచిన సలీం మృతిపట్ల పలువురు ప్రముఖులు సంతాపం వ్యక్తం చేస్తున్నారు. 1952 జనవరి 10 చెన్నైలో జన్మించారు సలీం. నాటకరంగంలో అడుగులువేస్తూ.. చిన్న చిన్న పాత్రలు చేసుకుంటూ పెద్ద నటుడిగా ఎదిగారు.
1978లో సలీమ్‌కు సినిమా అవకాశం లభించింది. స్వర్గ్ నరక్ సినిమాతో తన ఫిల్మ్ కెరీర్‌ను స్టార్ట్ చేసిన సలీం. ఆతరువాత చక్ర, సారాంశ్, మోహన్ జోషీ హజీర్ హో లాంటి సినిమాలతో మంచి గుర్తింపు తెచ్చుకున్నారు.
రాముడు, కృష్ణుడు, టిప్పు సుల్తాన్ లాంటి ఎన్నో ప్రముఖ పాత్రలు పోషించిన సలీం.. శ్యామ్ బెనగల్ లాంటి అగ్రహీరోలతో కూడా పనిచేశారు. ముఖ్యంగా సలీమ్ కు సుబా అనే టీవీ సీరయల్ వల్ల బాగా పేరు వచ్చింది.