అభిషేక్ ఛటర్జీ మృతి.. 100కి పైగా సినిమాల్లో నటించి తిరిగి రాని లోకాలకు..?

Abhishek Chatterjee

సీనియర్ నటుడు అభిషేక్ ఛటర్జీ అనారోగ్యంతో మృతి చెందారు. చాలా డిమాండ్ ఉన్న కారెక్టర్ ఆర్టిస్ట్ అయిన అభిషేక్ మృతితో బెంగాలీ చిత్ర పరిశ్రమలో విషాద ఛాయలు అలుముకున్నాయి. 

బెంగాలిలో 100కి పైగా సినిమాల్లో నటించారు. కొన్ని రోజులుగా అనారోగ్యంతో బాధ పడుతున్న ఈయన పరిస్థితి విషమించడంతో మార్చ్ 24 ఉదయం కన్నుమూశారు. 1985లో పాత్‌భోలా సినిమాతో ఇండస్ట్రీకి వచ్చాడు అభిషేక్ ఛటర్జీ. అక్కడ్నుంచి ఎన్నో సినిమాల్లో నటించారు. 

ముఖ్యంగా ఓరా చార్జోన్, తుమీ కోటో సుందర్, సురర్ ఆకాశే, తూఫాన్, మర్యాద, అమర్ ప్రేమ్ లాంటి సినిమాల్లో అభిషేక్ నటనకు మంచి మార్కులు పడ్డాయి. 

టీవీలో కూడా తనదైన ముద్ర వేసాడు అభిషేక్ ఛటర్జీ. ఎన్నో వందల సినిమాల్లో అలరించిన నటుడు కళ్ల ముందు లేడనే విషయాన్ని తెలుసుకుని బాధపడుతున్నారు అభిమానులు. బెంగాలీ నటీనటులు, టెక్నీషియన్స్ కూడా అభిషేక్ మృతికి సంతాపం తెలియజేస్తున్నారు.