యూట్యూబ్ సంచలన తార స్వాతినాయుడు గతకొన్నాళ్లుగా తనతో సహజీవనం చేస్తున్న తన స్నేహితుడు అవినాష్‌ని పెళ్లి చేసుకుని వార్తల్లో నిలిచింది. పెళ్లి తర్వాత ఈ ఇద్దరూ కలిసి ఓ మీడియా ఛానల్‌కి ఇంటర్వ్యూ కూడా ఇస్తూ... తాము ఎందుకు పెళ్లి చేసుకున్నాం? తమ వివాహానికి ఎదురైన అడ్డంకులు ఏమిటి.. తదితర విషయాలన్నింటినీ మీడియాతో పంచుకున్నారు. ఇక స్వాతి నాయుడు గతం గురించి తెలిసి తమ పెద్దలు పెళ్లికి ఒప్పుకోలేదని.. వాళ్లు లేకుండా పెళ్లి చేసుకోవడం లోటుగా అనిపించింది అన్నారు స్వాతి నాయుడు భర్త అవినాష్.
అవినాష్ మాట్లాడుతూ.. 'మా పెళ్లి కూడా అందరి పెళ్లిళ్లలాగే జరిగింది. నేను అనుకున్నట్టే చాలా బాగా జరిగింది. మా ఫ్యామిలీ నా పెళ్లికి రాకపోవడం ఒక్కటే లోటుగా కనిపించింది. ఆమె నాకు నచ్చడానికి కారణం మేం ఇద్దరం మంచి ఫ్రెండ్స్. తర్వాత రిలేషన్‌లో ఉన్నాము. సొసైటీ ఏం అనుకున్నా పర్లేదు అనుకున్నా. తన వీడియోలు, సినిమాలు, రొమాన్స్ సీన్లు ఇలా ఏం చేసినా ఆమె ఆన్ కెమెరా ముందే చేస్తుంది.. ముందొకటి వెనకొకటి చేయదు.
స్వాతినాయుడు కోసం నా ఫ్యామిలీ మెంబర్స్‌నే వదిలేసుకున్నా.. అలాంటిది ఎవరో ఏదో అనుకుంటారంటే పట్టించుకోవడం వదిలేసాను. తనేంటో నాకు తెలుసు. అర్థం చేసుకున్నాకే పెళ్లి చేసుకున్నాము. మా పెళ్లి విషయంలో నా తమ్ముడు కూడా చివర్లో డమ్కీ ఇచ్చాడు. పెళ్లి వరకూ నాతో బాగానే ఉన్నాడు తర్వాత రివర్స్ అయ్యాడు. మా పెళ్లి ఆపడానికి ప్రయత్నాలు చేశారు. నేను డబ్బుని అసలు నమ్మను. డబ్బుకి కాదు.. మనిషికి ప్రాధాన్యత ఇస్తాను. నాకు కట్నం ఇస్తా అన్నా వద్దన్నాను అంటూ చెప్పుకొచ్చారు అవినాష్.