బాహుబలి స్టార్ ప్రభాస్ పెళ్లిపై ప్రస్తుతం చర్చ సాగుతోంది. బాహుబలి తర్వాత ప్రభాస్ పెళ్లి జరుగుతుందని అందరూ అనుకున్నారు. కానీ హాలీవుడ్ స్థాయిలో రూపుదిద్దుకుంటున్న సాహో సినిమా రిలీజ్ అయ్యాకే ప్రభాస్ బ్యాచిలర్ లైఫ్‌కు బై చెప్తాడని మరికొందరు అనుకున్నారు. నిజాని రెబల్ స్టార్ కృష్ణంరాజు సతీమణి, ప్రభాస్ పెద్దమ్మ శ్యామల మాత్రం.. మరో రెండు సినిమాలు పూర్తయ్యాక ప్రభాస్ పెళ్లి చేసుకుంటాడని చెప్పారు.
ప్రభాస్ పెళ్లికి సంబంధించి ఇంతవరకూ వచ్చిన వార్తల్లో ఎంతమాత్రం నిజం లేదు. ప్రభాస్ పెళ్లికి సంబంధించి వస్తోన్న పుకార్లను మేము సరదాగా తీసుకుంటామేగానీ.. పెద్దగా పట్టించుకోమని శ్యామల స్పష్టం చేశారు. తమది చాలా పెద్ద కుటుంబం.. అందరం కలిసిపోయి ఎంతో ఆప్యాయంగా ఉంటాము.
అలా మా అందరిలో కలిసిపోయే అమ్మాయే ప్రభాస్‌కి భార్యగా రావాలని తామంతా కోరుకుంటున్నామని చెప్పారు. అలాంటి అమ్మాయే మా ఇంటి కోడలిగా రావాలని శ్యామల వెల్లడించారు. అలాగే కృష్ణంరాజు గారు ఎంత గంభీరంగా కనిపిస్తారో.. అంత సున్నితంగా అనిపిస్తారు శ్యామలాదేవి చెప్పారు. స్త్రీలంటే ఆయనకి ఎంతో గౌరవం.. అదే పద్ధతి ప్రభాస్‌కి కూడా వచ్చిందని శ్యామలాదేవి వెల్లడించారు.
చిన్న చిన్న విషయాలకు మహిళలు భయపడకూడదని, తప్పు చేస్తేనే భయపడాలి కానీ.. ప్రతి విషయానికి భయపడకూడదని రాజుగారు చెప్పేవారని.. అంతర్జాతీయ మహిళా దినోత్సవం సందర్భంగా ఓ ఇంటర్వ్యూలో వెల్లడించారు.
