తన తొలి సినిమా 'సినిమా బండి' ప్రశంసలు అందుకున్న దర్శకుడు ప్రవీణ్ కండ్రేగుల ఇప్పుడు తన రెండవ చిత్రం 'పరదా'తో వస్తున్నారు. అనుపమ పరమేశ్వరన్, దర్శన రాజేంద్రన్, సంగీత వంటి అద్భుతమైన తారాగణం ఈ చిత్రంలో నటిస్తున్నారు. ఫ్యామిలీ మ్యాన్ సిరీస్‌ తో పాపులరైన రాజ్, డికె ఈ చిత్రానికి మద్దతు ఇస్తున్నారు. శ్రీనివాసులు పివి, శ్రీధర్ మక్కువతో కలిసి విజయ్ డొంకడ ఆనంద మీడియా బ్యానర్ పై ఈ సినిమాని నిర్మిస్తున్నారు.
ఇప్పటికే విడుదల ఫస్ట్ లుక్ పోస్టర్, కాన్సెప్ట్ వీడియో, సినిమా టీజర్‌ కు అద్భుతమైన రెస్పాన్స్ వచ్చింది. అలాగే మా అందాల సిరి సాంగ్ ని రిలీజ్ చేయగా మంచి స్పందన వచ్చింది. గోపీ సుందర్ ఈ సాంగ్ ని క్యాచి బీట్స్ తో బ్యూటీఫుల్ నెంబర్ గా కంపోజ్ చేశారు. శ్రీ కృష్ణ, రమ్య బెహరా వోకల్స్ పాటకి మరింత ఆకర్షణ తీసుకొచ్చాయి. వనమాలి రాసిన మీనింగ్ ఫుల్ లిరిక్స్ ఆకట్టుకున్నాయి. ట్రెడిషన్ ఒట్టిపడే ఈ సాంగ్ లో విజువల్స్ ప్లజెంట్ గా వున్నాయి. అనుపమ పరమేశ్వరన్ ఎలిగెంట్ డ్యాన్స్ మూమెంట్స్ ప్రత్యేక ఆకర్షణగా నిలిచాయి. ఇన్స్టంట్ హిట్ గా నిలిచిన ఈ సాంగ్ ఆల్బమ్ కు చార్ట్ బస్టర్ స్టార్ట్ ని అందించింది.
ఈ చిత్రానికి మృదుల్ సుజిత్ సేన్ డీవోపీగా పని చేస్తున్నారు. ధర్మేంద్ర కాకరాల ఎడిటర్. శ్రీనివాస్ కళింగ ఆర్ట్ డైరెక్టర్ గా పని చేస్తున్నారు.