స్టైలీష్ స్టార్ అల్లు అర్జున్ నా పేరు సూర్య నా ఇల్లు ఇండియా సినిమా ఫ్లాప్ అవ్వ‌డంతో బాగా అప్సెట్ అయ్యాడు. ఇక నుంచి క‌థల విష‌యంలో చాలా కేర్ తీసుకోవాల‌నుకుంటున్నాడ‌ట. అందుక‌నే చాలా క‌థ‌లు విన్నాడు కానీ.. ఏ క‌థ‌కు ఓకే చెప్ప‌లేదు. మ‌నం ఫేమ్ విక్ర‌మ్ కుమార్‌తో సినిమా దాదాపు ఓకే అయ్యింద‌నుకున్నారు కానీ.. సెకండాఫ్ సంతృప్తిక‌రంగా రాక‌పోవ‌డంతో ఈ ప్రాజెక్ట్ సెట్స్ పైకి వెళ్ల‌కుండానే ఆగిపోయింది. దీంతో మాట‌ల మాంత్రికుడు త్రివిక్ర‌మ్‌తోనే బ‌న్నీ నెక్ట్స్ మూవీ అంటూ జోరుగా ప్ర‌చారం జ‌రిగింది.
ప్ర‌చారంలో ఉన్న‌ట్టుగా బ‌న్నీ త్రివిక్ర‌మ్‌తో సినిమా చేయ‌నున్నాడ‌ని తెలిసింది. ప్ర‌స్తుతం ప్రీ ప్రొడ‌క్ష‌న్ వ‌ర్క్ జ‌రుపుకుంటోన్న ఈ చిత్రాన్ని డిసెంబ‌ర్లో ప్రారంభించేందుకు ప్లాన్ చేస్తున్నార‌ట. అయితే.. ఈసారి త్రివిక్ర‌మ్ బ‌న్నీతో చేయ‌నున్న సినిమా కోసం హిందీ సినిమాని రీమేక్ చేయ‌నున్నార‌ని తెలిసింది.
ఇంత‌కీ ఆ సినిమా ఏంటంటే... సోను కె టిటు కి స్వీటీ. ఇది ఫుల్ లెంగ్త్ ఎంట‌ర్టైనర్. ఈ మూవీ మూల క‌థ‌ను తీసుకుని దానిని త్రివిక్ర‌మ్ స్టైల్లో మారుస్తున్నాడ‌ట. అయితే.. బ‌న్నీ తన సొంత నిర్మాణ సంస్థ‌లో ఈ సినిమా చేయాల‌నుకున్నాడు కానీ.. త్రివిక్ర‌మ్ ఎప్ప‌టిలాగానే హారిక అండ్ హాసిని క్రియేష‌న్స్‌లో చేయాల‌నుకుంటున్నాడ‌ట. దీనికి బ‌న్నీ కూడా ఓకే చెప్పాడ‌ని స‌మాచారం.