''సాము సేసి కండతోటి దేనికైన గట్టి పోటి అడుగడుగు ఏసినాడ అదిరేను అవతలోడు... సిత్తరాల సిరపడు.. సిత్తరాల సిరపడు ఉత్తరాన ఊరి శివర సిత్తరాల సిరపడు... గండు పిల్లి సూపులతో గుండెలోన గుచ్చాడు'' అంటూ సాగే ఈ పాట ప్రస్తుతం నెట్టింట వైరల్ అవుతోంది. ఈ పాటను వాట్సాప్ స్టేటస్‌లలో వుంచి నెటిజన్లు పండగ చేసుకుంటున్నారు.
స్టైలిష్‌ స్టార్‌ అల్లు అర్జున్‌, మాటల మాంత్రికుడు త్రివిక్రమ్‌ హ్యాట్రిక్‌ కొట్టేసారు. వీరి కాంబినేషన్‌లో సంక్రాతికి వచ్చిన అల వైకుంఠపురంలో సినిమా బంపర్ హిట్ అయ్యింది. ఈ సంక్రాంతి సినిమా కలెక్షన్స్ సునామీతో దూసుకుపోతోంది. ఈ నేఫథ్యంలో ఈ చిత్రం సక్సెస్ సెలబ్రేషన్స్ చేసేందుకు ముహుర్తం ఫిక్స్‌ చేశారు. జనవరి 19న తేదీన ఈ సినిమా సక్సెస్ మీట్ జరుగనుంది.
జనవరి 12న విడుదలైన ఈ సినిమా దర్బార్‌, సరిలేరు నీకెవ్వరు మూవీలతో తలపడుతూ దీటైన వసూళ్లను రాబడుతోంది. అల వైకుంఠపురం గ్లోబల్‌ థియేట్రికల్‌ హక్కులు రూ 85 కోట్లకు అమ్ముడుపోగా దాదాపు అందరూ అతి త్వరలోనే లాభాల బాట పట్టనున్నారు.