మిల్కీ బ్యూటీ తమన్నా సినీ పరిశ్రమలోకి అడుగుపెట్టి అప్పుడే 13 యేళ్ళు అయిపోయింది. అప్పుడెప్పుడో హ్యాపీడేస్ సినిమాతో శేఖర్ కమ్ముల దర్సకత్వంలో నటించిన ఆమెకు ఆ తరువాత వరుసగా అవకాశాలు క్యూ కట్టాయి. ఆచితూచి ఆమె సినిమాలు చేస్తూనే వచ్చారు. ఎన్నో సినిమాలు భారీ విజయాన్ని సాధించి పెట్టాయి. ఆమెను మరింత ముందుకు తీసుకెళ్ళాయి.
అయితే మొదట్లో తనకు అనుకున్నన్ని అవకాశాలు రాలేదని.. తన క్యారెక్టర్ కూడా సినిమాలో చాలా తక్కువగా ఉండేదని.. ప్రత్యేక గీతాలకే ఎక్కువ అవకాశాలు వచ్చిన సందర్బాలు వున్నాయని వాపోతోంది తమన్నా. కానీ ఇప్పుడు అలా కాదు. అవకాశాలు తనంతట అవే రావడంతో పాటు హీరోకు సరైన జోడిగా మంచి క్యారెక్టర్లు లభిస్తున్నాయి.
దర్సకులు ఆవిధంగా నాకు మంచి అవకాశాలనే ఇస్తున్నారు. ఇదంతా తలుచుకుంటే చాలా సంతోషంగా ఉంది. మొదట్లో సినీపరిశ్రమలో పెద్ద సంతృప్తి లేకపోయినా ఇప్పుడు లభిస్తున్న తృప్తి నాకు చాలా బాగుంది. సరిలేరు నీకెవ్వరు సినిమాలో ప్రత్యేక గీతం నాకు మంచి పేరు తెచ్చిపెట్టింది.
ప్రత్యేక గీతంలో నటిస్తున్నాము.. ఇక అవకాశాలు తగ్గిపోతున్నాయి అనుకుని అభిమానులు తెగ బాధపడిపోతున్నారు. అలా ఎప్పుడూ అనుకోకండి.. ఆ సినిమాలో ఆ పాటకు నేను సరిపోతానని అనుకున్నారు. అందుకే నన్ను అడిగారు. నేను ఒకే అన్నాను. అందులోను ఎఫ్‌..2 లాంటి బ్లాక్ బస్టర్ హిట్ ఇచ్చిన అనిల్ రావిపూడి నాకు ఈ అవకాశం ఇచ్చారు. ఆయన చెప్పగానే నేను ఏ మాత్రం ఆలోచించలేదు. ఒకే అనేశానని చెబుతోంది మిల్కీ బ్యూటీ తమన్నా.