చియాన్ విక్ర‌మ్ త‌న‌యుడు ధృవ్ మూవీ ట్రైల‌ర్ రిలీజ్..!

చియాన్ విక్రమ్ తనయుడు ధృవ్ విక్రమ్ తొలిసారి వెండితెరకు హీరోగా పరిచయం అవుతున్న సినిమా ఆదిత్య వర్మ. ఈ-4 ఎంటర్టైన్మెంట్ బ్యానర్ పై ముఖేష్ మెహతా నిర్మాతగా రూపొందుతున్న ఈ సినిమాకు గిరిసాయా దర్శకత్వం వహిస్తున్నారు.

తెలుగు అర్జున్ రెడ్డి అఫీషియల్ రీమేక్ గా తెరకెక్కుతున్న ఈ సినిమాలో నూతన నటి బనిత సందూ హీరోయిన్‌గా పరిచయం అవుతున్నారు. 

ఇకపొతే ఈ సినిమా థియేట్రికల్ ట్రైలర్ మరియు సాంగ్స్ మంగళవారం అధికారికంగా రిలీజ్ చేస్తున్నారు. ప్రియా ఆనంద్ మరొక హీరోయిన్‌గా నటిస్తున్న ఈ సినిమాలో ధృవ్‌కు స్నేహితుడిగా అన్బుతసన్ నటిస్తున్నారు. 

నిజానికి ఈ సినిమాను గతంలో బాలా దర్శకత్వంలో తెరకెక్కించినప్పటికీ, కొన్ని అనివార్య కారణాల వలన దానిని క్యాన్సిల్ చేసి, రెండోసారి తెరకెక్కించడం జరిగింది. కోలీవుడ్ ప్రేక్షకుల్లో మంచి అంచనాలున్న ఈ సినిమాను అన్ని కార్యక్రమాలు పూర్తి చేసి నవంబర్ 8న గ్రాండ్‌గా రిలీజ్ చేయనున్నారు.