టచ్‌లో ఉండాలని నన్నెవరూ అడగలేదు : క్యాస్టింగ్ కౌచ్‌పై భూమిక

చిత్ర పరిశ్రమలో తెరవెనుక సాగే క్యాస్టింగ్ కౌచ్ అంశం దేశ వ్యాప్తంగా తీవ్ర సంచలనమైంది. బాలీవుడ్‌లో వెలుగు చూసిన ఈ అంశం ఆ తర్వాత టాలీవుడ్, కోలీవుడ్ ఇలా సౌత్ ఇండియాకు కూడా వచ్చింది. ఈ అంశంపై ఆనేక మంది హీరోయిన్లు తమకు జరిగిన అనుభవాన్ని బాహాటంగా మీడియాకు వెల్లడించారు. అయితే, తాజాగా, తెలుగు సినీ ఇండస్ట్రీలో ప్రత్యేకమైన క్రేజ్ ఉన్న హీరోయిన్ భూమిక చావ్లా తాజాగా ఈ క్యాస్టింగ్ కౌచ్ అంశంపై స్పందించారు. 

కమిట్మెంట్ ఇస్తేనే ఆఫర్స్ వస్తాయా.. నిర్మాతలతో టచ్‌లో ఉంటాలా? అనే ప్రశ్నకు సమాధానమిస్తూ ఇలాంటివన్నీ అవాస్తవాలని, నన్నెవ్వరూ అలాంటివి అడగలేదని, తనకు కథ నచ్చి, ఆ పాత్రకు నేనే బావుంటాను అంటే తన కోసం ముంబై వచ్చి మరీ మాట్లాడేవాళ్ళని చెప్పింది. 

సినీ ఇండస్ట్రీలో ఎంతోమంది హీరోయిన్లు కాస్టింగ్ కౌచ్ పై నెగిటివ్ కామెంట్స్ వస్తున్నాయి. ఈ టైమ్ లో భూమిక మాటలు ప్రేక్షకుల్ని షాక్ కి గురి చేస్తున్నాయి. భూమిక తెలుగులో క్యారెక్టర్ ఆర్టిస్టుగా ఎన్నో సినిమాల్లో నటిస్తున్నారు.