బాలీవుడ్ నటుడు అభిషేక్ బచ్చన్ సినిమా షూటింగ్‌లో గాయపడ్డారు 'బాబ్ విశ్వాస్' అనే సినిమాలో నటిస్తున్న అభిషేక్... షూటింగ్ సమయంలో చిన్నపాటి ఫ్రాక్చర్ అయింది. ప్రస్తుతం ఆయన ముంబైలోని లీలావతి ఆసుపత్రిలో చికిత్స పొందుతున్నాడు.
ఆయనను చూసేందుకు తండ్రి అమితాబ్ బచ్చన్, సోదరి శ్వేత బచ్చన్ ఆసుపత్రికి వెళ్లారు. వీరు ఆసుపత్రికి వచ్చినప్పుడు ఆస్పత్రిలోని ఇతర సందర్శకులు ఫోటోలు తీసి సోషల్ మీడియాలో షేర్ చేయడంతో అవి వైరల్ అయ్యాయి.
అయితే ఆసుపత్రికి అభిషేక్ భార్య ఐశ్వర్య రాయ్ వచ్చినట్టు మాత్రం సమాచారం లేదు. మరోవైపు అభిషేక్ త్వరగా కోలుకోవాలని అభిమానులు సోషల్ మీడియా ద్వారా మెసేజ్‌లు పెడుతున్నారు.