పాన్ ఇండియా స్టార్ ప్రభాస్ - అనుష్క శెట్టి ప్రేమించుకుంటున్నారనే వార్తలు ఎప్పటి నుంచో చక్కర్లు కొడుతున్న సంగతి తెలిసిందే. వీరిద్దరూ డార్లింగ్, బాహుబలి సినిమాలలో జంటగా నటించి ప్రత్యేక ఫ్యాన్ బేస్ సంపాదించుకున్నారు. బాహుబలిలో వీరిద్దరి మధ్య కెమిస్ట్రీ బాగా వర్కౌట్ కావడంతో వీరిద్దరూ ప్రేమించుకుంటున్నారని.. పెళ్లికూడా చేసుకోబోతున్నారని వార్తలు వచ్చాయి. కానీ ఈ వార్తలను ప్రభాస్- అనుష్క కొట్టిపారేసారు.
కేవలం స్నేహితులమేనని స్పష్టం చేశారు. అయినప్పటికీ ప్రభాస్-అనుష్క ప్రేమ గురించి నిత్యం సోషల్ మీడియాలో వార్తలు పుట్టుకొస్తూనే వున్నాయి. తాజాగా అనుష్క- ప్రభాస్ రిలేషన్‌లో వున్నట్లు ఆధారాలతో బయటపడింది.
ఇందుకు కారణంగా ఒకానొక సమయంలో ప్రభాస్ వేసుకున్న చెప్పుల్ని అనుష్క శెట్టి వేసుకుంది. దీనికి సంబంధించిన ఫోటోలు నెట్టింట వైరల్ అవుతున్నాయి. దీన్ని చూసిన నెటిజన్లంతా.. ప్రేమ లేకుండా ఒకరి చెప్పులు మరొకరు ఎందుకు వేసుకోవడం అంటూ ప్రశ్నాస్త్రాలు సంధిస్తున్నారు. ప్రస్తుతం ఈ విషయం టాలీవుడ్‌లో హాట్ టాపిక్‌గా మారింది.