సెన్సేషనల్ హీరో విజయ్ దేవరకొండ.. ప్రస్తుతం డాషింగ్ డైరెక్టర్ పూరి జగన్నాథ్ ఓ భారీ చిత్రం చేస్తున్నారు. ఈ చిత్రానికి ఫైటర్ అనే టైటిల్ అనుకున్నారు. అయితే... ఫైటర్ అనే టైటిల్‌ని వేరే నిర్మాణ సంస్థ ఆల్రెడీ రిజిష్టర్ చేయించుకోవడంతో ఈ సినిమాకి లైగర్ అనే టైటిల్ ఖరారు చేయనున్నట్టు సమాచారం.
ఈ మూవీని పూరి - ఛార్మి - కరణ్‌ జోహర్ సంయుక్తంగా నిర్మిస్తున్నారు. పాన్ ఇండియా మూవీగా రూపొందుతోన్న ఈ సినిమాలో విజయ్ దేవరకొండ సరసన బాలీవుడ్ బ్యూటీ అనన్య పాండే నటిస్తుంది. ఈ మూవీ ముంబాయిలో నలభై రోజులు షూటింగ్ జరుపుకుంది.
ముంబాయిలో మరో షెడ్యూల్ ప్లాన్ చేసారు. ఇంతలో కరోనా రావడంతో షూటింగ్స్ క్యాన్సిల్ అవ్వడం తెలిసిందే. ఈ సినిమా దసరాకి రిలీజ్ చేయాలి అనుకున్నారు కానీ.. తాజా వార్త ఏంటంటే.. వచ్చే సంవత్సరంలో ప్రేక్షకుల ముందుకు వచ్చేందుకు రెడీ అవుతుందని తెలిసింది. ఇదిలా ఉంటే.. ఈ సినిమా తర్వాత విజయ్ దేవరకొండ నిన్ను కోరి, మజిలీ చిత్రాల దర్శకుడు శివ నిర్వాణతో సినిమా చేయనున్నారు. ఈ మూవీ కంప్లీట్ అయిన తర్వాత విభిన్న కథా చిత్రాల దర్శకుడు ఇంద్రగంటి మోహనకృష్ణతో సినిమా చేయనున్నారని తెలిసింది.
ఈ సినిమా చాలా డిఫరెంట్‌గా ఉంటుందని... అద్భుతం అనేలా ఈ సినిమా ఉంటుందని వార్తలు వస్తుండడంతో ఈ మూవీపై మరింత ఆసక్తి ఏర్పడింది. పాన్ ఇండియా మూవీగా రూపొందే ఈ సినిమా అంచనాలను అందుకుంటుందో లేదో చూడాలి.