సైరా సూరి త‌దుప‌రి చిత్రం ఎవ‌రితో చేయ‌నున్నాడో తెలిస్తే షాక్ అవుతారు..?

సైరా సూరి అన‌గానే ఎవ‌రా సూరి అనుకుంటున్నారా..? అదేనండి డైరెక్ట‌ర్ సురేంద‌ర్ రెడ్డి. మెగాస్టార్ చిరంజీవితో స్టైలీష్ డైరెక్ట‌ర్ సురేంద‌ర్ రెడ్డి తెర‌కెక్కిస్తోన్న భారీ బ‌డ్జెట్ చిత్రం సైరా న‌ర‌సింహారెడ్డి. కొణిదెల ప్రొడ‌క్ష‌న్ కంపెనీ బ్యాన‌ర్ పైన రూపొందుతోన్న ఈ సినిమాని అత్యంత ప్ర‌తిష్టాత్మ‌కంగా నిర్మిస్తున్నారు. అక్టోబ‌ర్ 2న సైరా చిత్రాన్ని ప్ర‌పంచ వ్యాప్తంగా భారీ స్థాయిలో రిలీజ్ చేయ‌డానికి ప్లాన్ చేస్తున్నారు. 

అయితే.. ఈ సినిమా త‌ర్వాత సురేంద‌ర్ రెడ్డి ఎవ‌రితో అనేది ఆస‌క్తిగా మారింది. సురేంద‌ర్ రెడ్డి, మ‌హేష్ బాబు, అల్లు అర్జున్, రామ‌చ‌ర‌ణ్‌ల‌తో సినిమాలు చేయాల‌నుకున్నారు కానీ.. ప్ర‌స్తుతం ఈ ముగ్గురు హీరోల డేట్స్ రెండు సంవ‌త్స‌రాల వ‌ర‌కు ఖాళీగా లేవు. తాజా క‌బురు ఏంటంటే... సురేంద‌ర్ రెడ్డి యంగ్ రెబ‌ల్ స్టార్ ప్ర‌భాస్‌తో సినిమా చేయాల‌నుకుంటున్నాడ‌ట‌. 

ప్ర‌భాస్ కోసం ఓ ప‌వ‌ర్‌ఫుల్ స్టోరీ రెడీ చేస్తున్నాడ‌ట‌. ఇటీవ‌ల ప్ర‌భాస్‌ని క‌లిసి స్క్రిప్ట్ గురించి డిష్క‌స్ చేసిన‌ట్టు స‌మాచారం. ప్ర‌భాస్ ప్ర‌స్తుతం సాహో షూటింగ్ కంప్లీట్ చేసాడు. ఈ సినిమా రిలీజ్ త‌ర్వాత రాధాకృష్ణ ద‌ర్శ‌క‌త్వంలో న‌టిస్తోన్న రొమాంటిక్ డ్రామా షూటింగ్‌లో పాల్గొంటాడు. ప్ర‌భాస్ క‌నుక సురేంద‌ర్ రెడ్డి గ్రీన్ సిగ్న‌ల్ ఇస్తే... ఫుల్ స్క్రిప్ట్ రెడీ చేస్తాడు. వ‌చ్చే సంవ‌త్స‌రం ఈ సినిమా సెట్స్ పైకి వెళ్లే ఛాన్స్ ఉంటుంది. మ‌రి.. సురేంద‌ర్ రెడ్డి ప్ర‌భాస్‌ని మెప్పిస్తాడా..? అవ‌కాశం అందిపుచ్చుకుంటాడా..? అనేది తెలియాల్సివుంది.