సుధీర్ కోసం రష్మీని బుక్ చేసిన నిర్మాత శేఖర్ రాజు?!

బుల్లితెరపై తన మాటలతో, హావభావాలతో అద్భుతంగా రాణిస్తున్న యాంకర్లలో రష్మీ గౌతమ్ ఒకరు. ఈమె అడపాదడపా వెండితెరపై కూడా తన అందాలను ఆరబోస్తూ కుర్రకారును పిచ్చెక్కిస్తోంది. ఈ క్రమంలో తన జబర్దస్త్ నటుడు సుడిగాలి సుధీర్‌తో ఈ అమ్మడు ప్రేమాయణం సాగిస్తున్నట్టు వార్తలు వచ్చాయి. ఈ వార్తల్లో నిజం ఏమేరకు ఉందో లేదో తెలియదుకానీ, బుల్లితెరపై వీరిద్దరి నటనకు బుల్లితెర ప్రేక్షకులు బ్రహ్మరథం పడుతున్నారు. ఫలితంగా రష్మీ - సుధీర్ జంటకు బుల్లితెరపై ప్రేక్షకుల్లో మంచి క్రేజ్ ఉందని చెప్పొచ్చు. 

ఈ క్రమంలో వీరిద్దరూ కూడా వెండితెరపై తమని తాము నిరూపించుకోవడానికి ఎవరి ప్రయత్నాలు వాళ్లు చేస్తున్నారు. అయితే ఈ ఇద్దరినీ కలిసి వెండితెరపై చూడటానికి అభిమానులు ముచ్చటపడుతున్నారు. వాళ్ల కోరిక త్వరలో నెరవేరే అవకాశాలు కనిపిస్తున్నాయి.

సుడిగాలి సుధీర్ హీరోగా నటించిన చిత్రం సాఫ్ట్‌వేర్ సుధీర్. ఈ చిత్రం ఇటీవల విడుదలై ఫర్వాలేదనిపించింది. ఈ చిత్రానికి రాజశేఖర్ రెడ్డి దర్శకత్వం వహించగా, శేఖర్ రాజు నిర్మాతగా వ్యవహరించారు. ఈ చిత్రం షూటింగ్ సమయంలోనే సుధీర్ - రష్మీ జోడీగా ఒక సినిమా చేయాలనుందని నిర్మాత వ్యాఖ్యానించాడు. 

ఈ వ్యాఖ్యలను ఆయన నిజం చేసేలా సుధీర్ - రష్మీ కాంబినేషన్లో ఒక రొమాంటిక్ ఎంటర్టైనర్‌ను చేయడానికి రంగంలోకి దిగినట్టుగా సమాచారం. ఇక వెండితెరపై ఈ ఇద్దరూ కలిసి చేసే సందడి ఏ రేంజ్‌లో ఉంటుందో చూడాలి. అన్నీ అనుకున్నట్టు జరిగితే కరోనా తర్వాత ఈ చిత్రం సెట్స్‌పైకి వెళ్లే అవకాశం ఉంది.