జబర్దస్త్‌లో బాగా పేరుపొందిన వ్యక్తుల్లో చమ్మక్ చంద్ర ఒకరు. అద్భుతమైన స్కిట్లతో కడుపుపుబ్బ నవ్వించే టీం చమ్మక్ చంద్ర టీం. ఈ టీంకు లీడరే చమ్మక్ చంద్ర. చంద్ర వచ్చాడంటే చాలు ఇక నవ్వుకోవాల్సిందే అంటుంటారు నాగబాబు, రోజా. అయితే ఉన్నట్లుండి జబర్దస్త్ నుంచి చమ్మక్ చంద్ర బయటకు వెళ్ళిపోవడం జరిగింది.
ఆ తరువాత కొన్ని సినిమాల్లో చమ్మక్ చంద్ర నటించాడు. ఇప్పడు ఇంకా ఎన్నో సినిమాల్లో చంద్రకు అవకాశాలు కూడా తన్నుకు వస్తున్నాయి. దీంతో బుల్లితెర మీద కాకుండా వెండితెరమీదే ఎక్కువగా కనబడాలని నిర్ణయించుకుని ఆ దిశగా అడుగులు వేస్తున్నాడట చమ్మక్ చంద్ర.
అయితే చమ్మక్ చంద్ర టీంలో ఒకడిగా ఉన్న సత్తిపండు తాజాగా చంద్ర గురించి ఆశక్తికర వ్యాఖ్యలు చేశాడు. చంద్ర అమ్మాయిలను వాడుకుంటున్నాడని..అవకాశాల పేరుతో అమ్మాయిల జీవితాలను నాశనం చేస్తున్నాడని స్వాతినాయుడు ఆరోపించింది. అందులో ఎంతమాత్రం నిజం లేదు.
చమ్మక్ చంద్ర చాలా మంచి వ్యక్తి. అనాథలు, అభాగ్యులు, నిరాశ్రయులు ఎవరైనా కనిపిస్తే వెంటనే తన జేబులో ఎంత డబ్బులుంటే అంతా ఇచ్చేసే మనస్తత్వం చమ్మక్ చంద్ర. అవకాశాల కోసం వచ్చే వారని తన సొంత అక్కాచెల్లెళ్ళతో సమానంగా చమ్మక్ చంద్ర చూస్తుంటాడు. అలాంటిది అతని మీద ఆరోపణలా..ఇప్పటికైనా మానండి అంటూ అతని స్నేహితుడు సత్తిపండు ప్రాధేయపడుతున్నాడు.