చేసిన సినిమాలు తక్కువే అయినా తెలుగు సినీపరిశ్రమలో రష్మిక మందనకు ఒక ప్రత్యేకత ఉంది. ప్రేయసిగా రష్మిక యాక్టింగ్ అదుర్స్ అంటుంటారు అభిమానులు. గీత గోవిందం సినిమాలో ఆమె నటనతో చాలామంది ఫిదా అయిపోయారు. ఆ తరువాత ఎన్నో ప్రేమకథా చిత్రాల్లో ఆమె నటించారు కూడా.
ప్రస్తుతం రష్మిక తెలుగు, తమిళం, కన్నడ భాషల్లో బిజీ అయిపోయింది. దీంతో తన పారితోషికం స్థాయిని భారీగా పెంచేసిందట. ఇదే విషయాన్ని ఆమెను అడిగితే పారితోషికం పెంచితే తప్పేంటి అంటూ ఎదురుప్రశ్నలు సంధిస్తోందట. కొన్నేళ్ళుగా సినీ పరిశ్రమలో ఉంటున్నాను.. నటిగా నా ఎదుగుదలలో మార్పు ఉన్నప్పుడు పారితోషికమూ మారాలికదా అంటోందట రష్మిక.
రష్మిక క్రేజ్ ఎక్కువగా ఉండటం.. ఆమె సినిమాలంటే అభిమానులు పడి చచ్చిపోతుండటంతో నిర్మాతలు ఆమె ఎంత అడిగితే అంత పారితోషికం ఇవ్వడానికి సిద్ధంగా ఉన్నారట. ప్రస్తుతం మూడు భాషల్లో నాలుగు సినిమాల్లో రష్మిక నటిస్తోంది. కాగా అభిమానులు ఎలా కోరుకుంటే అలా నటించేందుకు నేను రెడీ అంటోందట రష్మిక.