బిగ్ బాస్ నాలుగో సీజన్.. నాగ్ షూటింగ్‌కు వెళ్తారా? హోస్ట్ చేస్తారా?

బిగ్ బాస్ నాలుగో సీజన్ ఆసక్తికరంగా జరుగుతున్న సంగతి తెలిసిందే. ఈ షోకు హోస్ట్‌గా వున్న అక్కినేని నాగార్జున ప్రస్తుతం వైల్డ్ డాగ్ మూవీ చేస్తున్నారు. ఈ చిత్రానికి నూతన దర్శకుడు సోల్మాన్ దర్శకత్వం వహిస్తున్నారు. 

భారీ యాక్షన్ ఎంటర్‌టైనర్‌గా ఈ సినిమా రూపొందుతోంది. సమ్మర్‌లో ఈ సినిమాని రిలీజ్ చేయాలనుకున్నారు. కానీ.. కరోనా కారణంగా ఆగింది. అయితే ఈ సినిమా కోసం కొంత షూటింగ్ థాయ్‌లాండ్‌లో చేయాల్సివుంది. అప్పుడు కరోనా కారణంగా ఆ షెడ్యూల్ క్యాన్సిల్ చేశారు.

ఇప్పుడు కరోనా తగ్గడంతో థాయ్‌లాండ్‌లో షూటింగ్ ప్లాన్ చేస్తున్నారు. అయితే.. నాగార్జున థాయ్ లాండ్ వెళ్లి వైల్డ్ డాగ్ షూటింగ్‌లో పాల్గొంటే.. మరి.. బిగ్ బాస్ హోస్ట్‌గా ఎవరు చేస్తారు అనేది ఆసక్తిగా మారింది. 

బిగ్ బాస్ 3 సీజన్‌లో తన బర్త్ డే సందర్బంగా విదేశాలకు వెళ్లిన నాగార్జున ఆ సమయంలో రమ్యకృష్ణను హోస్ట్‌గా పంపించాడు. రమ్యకృష్ణ వచ్చిన రెండు రోజులు కూడా ప్రేక్షకుల నుండి మంచి స్పందన వచ్చింది. ఈసారి కూడా ఒక గెస్ట్ హోస్ట్ వస్తాడేమో అంటూ ఆసక్తికర చర్చ జరుగుతోంది.

నాగార్జున థాయ్‌లాండ్ వెళితే ఒక శనివారం ఆయన అక్కడే ఉండాల్సి వస్తుంది. అంటే ఆ సమయంలో ఎవరు హోస్ట్ చేస్తారు అనేది చూడాలి. ఒకవేళ థాయిలాండ్ నుండి షో కోసం ప్రత్యేకంగా నాగార్జున వచ్చి వెళ్తారా..? లేక వేరే ఎవరితో అయినా చేయిస్తారా..? అనేది చూడాలి.