టాలీవుడ్ సీనియర్ హీరోయిన్ కాజల్ అగర్వాల్. ఆమె త్వరలోనే పెళ్లీపీటలెక్కనుంది. ఈ విషయంపై సోషల్ మీడియాలో నెటిజన్లు స్క్రోలింగ్ చేస్తున్నారు. కానీ, కాజల్ మాత్రం ఎక్కడా కూడా రవ్వంత కూడా సమాచారం బయటకు రానివ్వడం లేదు. అయితే, తాజాగా ఓ యువ పారిశ్రామికవేత్తను పెళ్లాడనున్నట్టు ఓ వార్త లీక్ అయింది. తాను పెళ్లి చేసుకోబోయే వరుడు పేరు గౌతమ్ కిచ్లూ. ముంబైలో డిస్ సెర్న్ లివింగ్ అనే ఇంటీరియల్ డిజైనింగ్ కంపెనీని నిర్వహిస్తున్నట్టు సమాచారం. పైగా, ఈయన కాజల్‌తో గత యేడాదిగా డేటింగ్‌లో ఉన్నట్టు ముంబై మీడియా కోడై కూస్తోంది.
నిజానికి ఈ కలువ కళ్ళ సుందరి పెళ్లి వార్త ఇప్ప‌టికే నెట్టింట్లో వైరల్ అయిన విషయం తెల్సిందే. కాజల్ త్వరలోనే పెళ్లి చేసుకోబోతుంద‌ని, ఈ బ్యూటీ సీక్రెట్ గా ఓ వ్యాపార‌వేత్త‌తో ఎంగేజ్ మెంట్ పూర్తి చేసుకుంద‌ని న్యూస్ చ‌క్క‌ర్లు కొట్టింది. ఇప్ప‌టివ‌ర‌కు వ‌చ్చిన వార్త‌లపై కాజల్ ఎక్కడా కూడా స్పందించలేదు.
ఈ క్రమంలో ముంబై మీడియాలో వ‌స్తున్న క‌థ‌నాల ప్ర‌కారం కాజల్ బిజినెస్‌మెన్ గౌతమ్ కిచ్లూలుతో ఎంగేజ్ మెంట్ అయిన‌ట్టు క‌థ‌నాల సారాంశం. డిస్ సెర్న్ లివింగ్ అనే ఇంటీరియ‌ర్ కంపెనీని నిర్వ‌హిస్తున్నాడు. అంతేకాదు గౌతమ్, కాజల్ చాలా కాలంగా డేటింగ్‌లో కూడా ఉన్నార‌ట.