మెగాస్టార్ చిరంజీవి హీరోగా తెరకెక్కుతున్న 151వ చిత్రం "సైరా నరసింహా రెడ్డి". తొట్టతొలి స్వాతంత్ర్య యోధుడు ఉయ్యాలవాడ నరసింహా రెడ్డి జీవితకథ ఆధారంగా తెరకెక్కనున్న ఈ చిత్రానికి సురేందర్ రెడ్డి దర్శకత్వం
మెగాస్టార్ చిరంజీవి హీరోగా తెరకెక్కుతున్న 151వ చిత్రం "సైరా నరసింహా రెడ్డి". తొట్టతొలి స్వాతంత్ర్య యోధుడు ఉయ్యాలవాడ నరసింహా రెడ్డి జీవితకథ ఆధారంగా తెరకెక్కనున్న ఈ చిత్రానికి సురేందర్ రెడ్డి దర్శకత్వం వహిస్తుండగా, హీరో రాంచరణ్ నిర్మిస్తున్నారు.
అయితే, ఈ చిత్రాన్ని సెట్స్‌పైకి తీసుకెళ్లడానికి దర్శకుడు సురేందర్ రెడ్డి సన్నాహాలు చేస్తున్నారు. ఈ సినిమాలో కథానాయికగా నయనతార నటించనుండగా, బాలీవుడ్ హీరో అమితాబ్, టాలీవుడ్ హీరో జగపతిబాబు, కన్నడ హీరో సుదీప్, తమిళ హీరో విజయ్ సేతుపతిలు ముఖ్యమైన పాత్రల్లో కనిపించనున్నారు.
ఈ చిత్రానికి సంబంధించిన మోషన్ పిక్చర్‌ను చిరంజీవి బర్త్‌డే సందర్భంగా ఆగస్టు 22వ తేదీన రిలీజ్ చేశారు. ఇదిలావుండగా, ఈ సినిమాకి సంగీత దర్శకుడిగా ఎ.ఆర్. రెహ్మాన్ పేరును ప్రకటించారు. అయితే ప్రస్తుతం తాను బిజీగా ఉన్నాననీ, అందువలన ఈ ప్రాజెక్టు చేయలేనని రెహ్మాన్ చెప్పినట్టు సమాచారం.
తనకి కొన్ని కమిట్మెంట్స్ ఉన్నాయనీ, అవి పూర్తి చేయడానికి ఎక్కువ సమయాన్ని కేటాయించవలసి వస్తుందని, అందుకని తనకి కుదరదని రెహ్మాన్ అన్నట్టుగా చెప్పుకుంటున్నారు. అయితే ఇదంతా ప్రస్తుతం జరుగుతోన్న ప్రచారం మాత్రమే. ఈ విషయంపై అధికారిక ప్రకటన రావలసి వుంది.