హైదరాబాద్ అమ్మాయితో ప్రేమలో వున్నాను.. అడవి శేష్

టాలీవుడ్‌లో ఉన్న మోస్ట్ ఎలిజిబుల్ బ్యాచ్‌లర్లలో అడవి శేష్ ఒకరు. ఆయన ఎప్పుడు ఒక ఇంటి వాడు అవుతాడా అని సినీ అభిమానులు ఎప్పటి నుంచో ఎదురు చూస్తున్నారు. తాజాగా ఓ ఇంటర్వ్యూలో అడవి శేష్ తన పెళ్లి గురించి ఆసక్తికర విషయాలను వెల్లడించాడు. తను ఇంతకుముందు పెళ్లి గురించి పెద్దగా ఆలోచించలేదని.. ప్రస్తుతం పెళ్లి గురించి యోచిస్తున్నట్లు తెలిపాడు.

అంతేగాకుండా.. తను ప్రస్తుతం ఓ యువతితో డేటింగ్‌లో ఉన్నానని వెల్లడించాడు. ఆ అమ్మాయిది హైదరాబాదేనట. తను ఎవరో? ఏం చేస్తుందో? అనే విషయాలు సమయం వచ్చినప్పుడు చెబుతా.. అని ఆ విషయాన్ని సస్పెన్స్‌గా పెట్టేశాడు.  తన పెళ్లి గురించి తనకంటే ఎక్కువగా తన ఫ్యామిలీ మెంబర్స్ తొందరపడుతున్నారని.. ఎలాగైనా పెళ్లి చేసుకొని జీవితంలో సెటిల్ కావాలని తనను ఒత్తిడి చేస్తున్నారన్నాడు.  

అడవి శేష్ సినిమాల సంగతికి వస్తే.. మేజర్ అనే సినిమాలో అతను నటిస్తున్నాడు. ఈ సినిమాలో ఆర్మీ మేజర్ రోల్‌ను పోషిస్తున్నాడు. ఈ సినిమా వచ్చే సంవత్సరం ఫిబ్రవరి 11న రిలీజ్ కానుంది. అలాగే నాని నిర్మాణంలో వస్తున్న హిట్ 2 సినిమాలో కూడా నటిస్తున్నాడు.