సార్.. చేతులు జోడించి చెపుతున్నా : కలెక్టర్ అమ్రపాలిపై కేటీఆర్ ఫైర్
వరంగల్ జిల్లా కలెక్టర్ అమ్రపాలి కాటాపై తెలంగాణ రాష్ట్ర మంత్రి కేటీఆర్ తీవ్ర ఆగ్రహం వ్యక్తం చేశారు. దీంతో బిత్తరపోయిన కలెక్టర్ రెండు చేతులు జోడించి ఏదో వివరణ ఇవ్వబోయింది. అయినప్పటికీ ఆయన శాంతించలేదు.
వరంగల్ జిల్లా కలెక్టర్ అమ్రపాలి కాటాపై తెలంగాణ రాష్ట్ర మంత్రి కేటీఆర్ తీవ్ర ఆగ్రహం వ్యక్తం చేశారు. దీంతో బిత్తరపోయిన కలెక్టర్ రెండు చేతులు జోడించి ఏదో వివరణ ఇవ్వబోయింది. అయినప్పటికీ ఆయన శాంతించలేదు.
వరంగల్ జిల్లా అభివృద్ధిపై కలెక్టరేట్‌లో శనివారం సమీక్షా సమావేశం జరిగింది. కలెక్టర్ అమ్రపాలి సారథ్యంలో జరిగిన ఈ సమావేశంలో తెలంగాణ పురపాలక, పట్టణాభివృద్ధి, ఐటీ శాఖల మంత్రి కేటీఆర్, జిల్లా ఎమ్మెల్యేలు, అధికారులు పాల్గొన్నారు. ఈ సమావేశంలో అందరి పనితీరుపై తీవ్ర అసంతృప్తిని మంత్రి కేటీఆర్ వ్యక్తంచేశారు.
రెండున్నరేళ్ల క్రితం ముఖ్యమంత్రి ఇచ్చిన హామీలే అమలు కావడం లేదని, పనులు ముందడుగు వేయడం లేదని, ఇచ్చిన నిధులు ఖర్చు పెట్టడం లేదని కేటీఆర్ ఆగ్రహాన్ని వ్యక్తం చేశారు. దీంతో కలెక్టర్ ఆమ్రపాలి కల్పించుకోగా, తనతో వాదించవద్దని కేటీఆర్ గద్దించారు.
ఆపై ఆమ్రపాలి చేతులు జోడించి వరంగల్ పట్టణ పరిధిలో జరుగుతున్న అభివృద్ధి పనుల గురించి సర్దిచెప్పబోయినట్టు తెలుస్తోంది. సీరియస్‌గా చూస్తున్న కేటీఆర్ వైపు నమస్కరించి నిలబడి ఏదో మాట్లాడుతున్న ఆమ్రపాలి ఫోటో ఇపుడు సోషల్ మీడియాలో వైరల్ అయింది. నిజానికి తెలంగాణ రాష్ట్రంలో ఉన్న ఉత్తమ కలెక్టర్లలో అమ్రపాలి కాటా ఒకరు.