తెలుగు రాష్ట్రాల్లో గడిచిన కొన్ని రోజులుగా భారీగా వర్షాలు కురుస్తున్న సంగతి తెలిసిందే. పలు జిల్లాల్లో వడగండ్ల వర్షాలు కురిశాయి. ఈ నేపథ్యంలో అమరావతి మెట్రోలాజికల్ డిపార్ట్‌మెంట్ తెలుగు ప్రజలకు హెచ్చరిక చేసింది. హైదరాబాద్ ప్రజలు రానున్న రెండు రోజుల్లో బయటకు వెళ్లవద్దని వాతావరణ శాఖ అధికారులు హెచ్చరించారు.
రానున్న 3 రోజుల్లో తెలుగు రాష్ట్రాల్లో భారీ వర్షాలు కురిసే అవకాశం వుందని వాతావరణ కేంద్రం అధికారులు తెలిపారు. ఈ నెల 24, 25 తేదీలలో ఉరుములు, వడగండ్లతో కూడిన భారీ వర్షాలు కురిసే అవకాశం వున్నట్లు వాతావరణ శాఖ హెచ్చరించింది.
అందుచేత అవసరమైతే ప్రజలు ఇంటి నుంచి బయటకి రావాలని హైదరాబాద్ ప్రజలకు వాతావరణ శాఖ పేర్కొంది. లోతట్టు ప్రాంత ప్రజలు కాస్త జాగ్రత్తగా వుండాలని వాతావరణ శాఖ అధికారులు హెచ్చరించారు.