అమెరికాకు తెలంగాణ సీఎం రేవంత్ రెడ్డి... అంతా పట్టణ ప్రజల కోసమే..

తెలంగాణ సీఎం రేవంత్‌రెడ్డి అమెరికా పర్యటన ఖరారైంది. ఆగస్టు 3వ తేదీ రాత్రి రేవంత్‌రెడ్డి బృందం అమెరికా వెళ్లనుంది. ఈ పర్యటనలో భాగంగా పలు కంపెనీల సీఈవోలు, పారిశ్రామికవేత్తలతో సీఎం భేటీ కానున్నారు. రాష్ట్రానికి పెట్టుబడులు తీసుకొచ్చేందుకు వారితో చర్చిస్తామన్నారు. 

ఈ పర్యటన డల్లాస్, ఇతర రాష్ట్రాల్లో జరుగుతుంది. ఆగస్టు 11న రేవంత్‌రెడ్డి అమెరికా నుంచి తిరిగి రానున్నారు. 2023 ఎన్నికలలో, కాంగ్రెస్ పార్టీ గ్రామీణ ప్రాంతాల్లో ఓట్లు సాధించింది. కానీ జీహెచ్ఎంసీ పరిధిలో మాత్రం రాణించలేకపోయింది. పట్టణ ప్రజలు కాంగ్రెస్‌కు ఓటు వేయకపోవడంతో జీహెచ్‌ఎంసీ పరిధిలో కాంగ్రెస్ ఖాతా తెరవలేకపోయింది. 

తమ తొమ్మిదేళ్ల పదవీకాలంలో హైదరాబాద్‌కు ప్రత్యేకించి కేటీఆర్ పెట్టుబడులు పెట్టడం పట్ల అర్బన్ ఓటర్లు సంతృప్తి చెందారు. ఇప్పటి వరకు పల్లె జనాలను సంతృప్తి పరిచేందుకు రేవంత్ రెడ్డి ప్రయత్నిస్తున్నారని, ఇప్పుడు ఈ అమెరికా పర్యటనలో రాష్ట్రానికి మంచి పెట్టుబడులు రాబట్టగలిగితే ఈ పర్యటన అర్బన్ ఓటర్లలో మంచి ఇమేజ్ తెచ్చుకోవడానికి ఉపయోగపడుతుంది. 

అలాగే, ఆంధ్రప్రదేశ్‌లో పెట్టుబడులకు అనుకూలమైన ముఖ్యమంత్రి ఉన్నారు. ఇకనైనా చంద్రబాబు నాయుడు పెట్టుబడిదారులను తమవైపు తిప్పుకునే పనిలో పడ్డారు. ఇక రేవంత్ రెడ్డి, చంద్రబాబు నాయుడు మధ్య పోలికలు ఉంటాయి. తెలంగాణకు పెట్టుబడుల కోసం అమెరికాకు వెళ్లనున్నారు రేవంత్ రెడ్డి. ఈ పర్యటన ఎంతమేరకు సక్సెస్ అవుతుందో వేచి చూడాలి.