డాక్టరైనా నాకీ గతి పడుతుందని అనుకోలేదు మమ్మీ: లేడీ డాక్టర్ ఆత్మహత్య యత్నం (Video)

తను వైద్యురాలినైనా ఈ గతి పడుతుందని అసలు అనుకోలేదు మమ్మీ... నా భర్త, అత్తమామలు వేధింపులు భరించలేక ఆత్మహత్య చేసుకుంటున్నాననీ మమ్మీ అంటూ ప్రణీత అనే వైద్యురాలు సెల్ఫీ వీడియో ద్వారా చెబుతూ ఆత్మహత్య యత్నం చేసారు. సెల్ఫీ వీడియోలు తను భరిస్తున్న వేధింపులను వెల్లడించారు.

ఆ వీడియోలో ఆమె మాట్లాడుతూ... నావల్ల మీకు ఎన్నో అవమానాలు ఎదురవుతున్నాయి. నన్ను క్షమించండి. నన్ను వేధిస్తున్నారు. నాకు న్యాయం జరుగుతుందని నమ్మకం లేదు. ఈ వేధింపులు భరించలేకపోతున్నా. నా వల్ల కావడంలేదు. చనిపోవాలనుకుంటున్నా. దయచేసి నన్ను క్షమించు మమ్మీ. నేను పోయాక మీకు ప్రశాంతత లభిస్తుందని అనుకుంటున్నా. నా బిడ్డను జాగ్రత్తగా చూసుకోండి. మా అత్తమామలకు అప్పజెప్పవద్దు. డాక్టర్ నైన నాకు ఈ గతి పడుతుందని అనుకోలేదు మమ్మీ. సారీ మమ్మీ" అంటూ వైద్యురాలు ప్రణీత కన్నీటిపర్యంతమయ్యారు. కాగా బాధితురాలిని కర్మన్ ఘట్ లోని ఆసుపత్రికి తరలించి చికిత్స అందిస్తున్నారు.