తెలంగాణలో ఇటీవలే అంగన్ వాడీ టీచర్లకు, వర్కర్లకు వేతనాలు పెంచాలని.. రిటైర్మెంట్ తరువాత బెనిఫిట్స్ కల్పించాలని ధర్నా చేసిన విషయం తెలిసిందే. అయితే టీచర్లు, కార్యకర్తలకు మంత్రి సీతక్క తాజాగా గుడ్ న్యూస్ చెప్పారు. రిటైర్ అయ్యే టీచర్లకు ప్రస్తుతం రూ.1లక్ష ఇస్తుండగా.. ఇక నుంచి రూ.2లక్షలు ఇవ్వనున్నట్టు తెలిపారు.
అదేవిధంగా కార్యకర్తలకు ప్రస్తుతం రూ.50వేలు ఇస్తుండగా.. ఇక నుంచి రూ.1లక్షకు పెంచి ఇస్తామని వెల్లడించారు. ఈ ప్రతిపాదనలను ఇప్పటికే ఆర్థిక శాఖకు పంపినట్టు తెలిపారు. ప్రస్తుతం రిటైర్డ్ అయ్యే టీచర్లకు ఇది వర్తిస్తుందా లేదా అనేది మాత్రం ఇంకా క్లారిటీ లేదు.