ఇతరులకు సహాయం చేస్తే లక్ష్మీ దేవి ఇంట్లో అడుగుపెడుతుందా? లేదా?

ప్రతి ఒక్కరికి డబ్బు చాలా అవసరం. ఆ డబ్బు కోసం అనేక కష్టాలను పడతాము. కష్టపడి పనిచేస్తాం కాని ఫలితం సరిగా వుండదు. అంటే వారి ఇంట లక్ష్మీదేవి లేదన్నమాట. మన ఇల్లు సుఖశాంతులతో సంతోషాలతో నిండిపోవాలంటే ఆ ఇంట్లోకి లక్ష్మీదేవి అడుగుపెట్టాలి. లక్ష్మీదేవి అడుగుప

ప్రతి ఒక్కరికి డబ్బు చాలా అవసరం. ఆ డబ్బు కోసం అనేక కష్టాలను పడతాము. కష్టపడి పనిచేస్తాం కాని ఫలితం సరిగా వుండదు. అంటే వారి ఇంట లక్ష్మీదేవి లేదన్నమాట. మన ఇల్లు సుఖశాంతులతో సంతోషాలతో నిండిపోవాలంటే ఆ ఇంట్లోకి లక్ష్మీదేవి అడుగుపెట్టాలి. లక్ష్మీదేవి అడుగుపెట్టిన ఇంట్లో ధనంతో పాటు దేనికి కొదవ వుండదు. అయితే సరైన పద్ధతిలో లేని ఇంటికి లక్ష్మీదేవి రాదట. అది ఏమిటో తెలుసుకొని జాగ్రత్త పడితే ఆ ఇంట్లో లక్ష్మీదేవి కొలువుతీరే అవకాశం ఉందని శాస్త్రం చెబుతుంది. 

1. ఎక్కువగా స్త్రీలు లక్ష్మీదేవిని పూజిస్తూ ఉండాలి. దేవికి ప్రత్యేకంగా కొన్ని వారాలు అంటే చాలా ఇష్టం. మంగళ, గురు, శుక్రవారాలు అంటే ఇష్టం. ఈ మూడు వారాలలో శుక్రవారం అంటే ఏంతో ప్రీతి. ఈ రోజున స్త్రీలు ఉదయాన్నే లేచి వాకిళ్ళు శుభ్రం చేసి ముగ్గులు పెట్టాలి. గుమ్మాలు తుడిచి పసుపు రాసి కుంకుమ, గంధం బొట్టులను పెట్టాలి. అంతేకాదు దేవికి తెల్లపూలు అంటే చాలా ఇష్టం. ఈ పూలతో అష్టోత్తరం చేయడం వలన మంచి ఫలితం వుంటుంది. మనకు తెలియకుండా కొన్ని పనులు చేస్తాము. వాటి వలన కూడా లక్ష్మీదేవి దూరం అవుతుంది. 

2. తులసిని పూజించని చోట, పెద్దవారిని దూషించిన చోట, ఇతరుల తప్పులను ఏకరువు పెట్టిన చోట, వాకిట్లో ముగ్గు లేని చోట, లక్ష్మీదేవి నివశించదు. ఇల్లు కళకళలాడుతూ, పేదవారికి సహాయం చేస్తూ, మంగళ, శుక్రవారాలలో దేవిని పూజిస్తూ, పశుపక్షులను ప్రేమించే చోట, అందరూ సంతృప్తిగా వుండే చోట లక్ష్మీదేవి ఇష్టంగా ఉంటుంది. సాయంసంధ్యావేళలో ముఖద్వారాలను మూసి వేయకూడదు. గుమ్మంపై కూర్చోరాదు. ఇంటిలో ఆడవారు కన్నీరు పెట్టకూడదు. అలాంటి ఇళ్ళలో లక్ష్మీదేవి కొలువు ఉండదు. సంపద మన ఆధీనంలోఉండాలి కాని మనం సంపద ఆధీనంలో ఉండకూడదు. ఇతరులకు సహాయం చేయడం వలన సంపద పెరుగుతుంది. మనం తృప్తిగా సంతోషంగా ఉంటాము.