Webdunia - Bharat's app for daily news and videos

Install App

పెళ్లయినా అతడే కావాలనిపిస్తోంది, ఈ పిచ్చి వదిలేదెలా?

Webdunia
గురువారం, 7 నవంబరు 2019 (14:38 IST)
మా ఇంటికి ప్రక్కనే ఏడాది క్రితం పెళ్లయిన కొత్త జంట అద్దెకు దిగారు. వారిద్దరూ మేడ్ ఫర్ ఈచ్ అదర్‌లా ఉంటారు. ఇల్లు అద్దెకు దిగాక ఓ పండుగ ఫంక్షనుకు ఆమె మమ్మల్ని పిలిచారు. అమ్మ, నేను వెళ్లాము. వారి ఇంటికి వెళ్లగానే ఆమె భర్త పలుకరింపుగా నవ్వుతూ మమ్మల్ని లోపలికి ఆహ్వానించారు. ఎందుకో... ఆ నవ్వు సూటిగా నా గుండెల్లో గుచ్చుకున్నట్లనిపించింది. ఫంక్షన్ జరుతున్నంతసేపూ అతడినే చూస్తూ ఉండిపోయాను. 
 
ఆ తర్వాత కూడా అతడంటే ఎందుకో నాకు తెలియని ఇష్టం ఏర్పడింది. ఇంట్లో నుంచి ఎప్పుడు అతడు బయటకు వస్తాడా అని చూసిన రోజులు చాలా ఉన్నాయి. అతడికి 30 ఏళ్లుంటాయి. నా వయసు 20. అతడు నవ్వు నాకు కావాలనిపిస్తోంది. అతడి నవ్వుతో పాటు అతడు కూడా కావాలని మనసు ఉవ్విళ్లూరుతోంది. 
 
ఐతే అతడి భార్య అమ్మ దగ్గరకు వచ్చిపోతుంటుంది. నాలో రేగిన ఆలోచనలు ఆమెను చూసినప్పుడు ముడుచుకుపోతాయి. ఆమె చాలా మంచివారు. ఆమె భర్తను నేనిలా ఊహించుకోవడం చాలా తప్పు అనిపిస్తుంది. కొన్ని గంటలు మాత్రమే అలా ఉంటాను. ఐతే మళ్లీ మరుసటి రోజు నుంచి మామూలే. ఈ పిచ్చి ఆలోచనల నుంచి నేను బయటపడే మార్గం ఏమిటి...?
 
మంచి మనసు, మంచి ఆహ్లాదకరమైన నవ్వు, మంచి ప్రవర్తన కలిగిన వ్యక్తులు... అంటే, వారు స్త్రీ లేదా పురుషుడు... ఎవరైనా కావచ్చు. వారంటే సహజంగా ఇష్టం ఏర్పడుతుంది. ఐతే ఆ ఇష్టం అంతవరకే ఉండాలి. కానీ పరాయి స్త్రీ భర్తను కావాలనుకునే స్థాయికి వెళ్లకూడదు. కనుక మీరు మరీ అతడి ఆలోచనల నుంచి బయటకు రాలేకపోతున్నట్లయితే కొన్నాళ్లు మీ బంధువుల ఇంటికి వెళ్లండి. మనసును కెరీర్ పైన నిలిపి, మీ తల్లిదండ్రులు మీపై ఉంచిన ఆశలను నెరవేర్చేందుకు నడుం బిగించండి. అవన్నీ మీ కళ్లముందు ఉంటే ఇలాంటి పక్కింటి పురుషుని నవ్వులన్నీ మీ ముందు మరుగుజ్జులా మారిపోతాయి.

సంబంధిత వార్తలు

ఏపీ సీఎం జగన్‌కు నవ సందేహాలతో వైఎస్ షర్మిల బహిరంగ లేఖ

ఏపీలో 2,705 నామినేషన్లు చెల్లుబాటు..

పిఠాపురంలో పవన్ కల్యాణ్ గెలిస్తే నా పేరు పద్మనాభ రెడ్డి: ముద్రగడ ప్రతిజ్ఞ, నిజమవుతుందేమో?

కృత్రిమంగా పండించిన 4,800 కిలోల మామిడి పండ్లు స్వాధీనం... వామ్మో ఇవి తింటే అంతేసంగతులు

ఒకటో తేదీన పింఛన్లు ఇస్తామని ప్రభుత్వం ప్రకటన.. కానీ బ్యాంకులు సెలవులు...

గేమ్ ఛేంజర్ కోసం చెన్నై వెళుతున్న రామ్ చరణ్ లేటెస్ట్

అపార్ట్‌మెంట్‌లో శవమై కనిపించిన భోజ్‌పురి నటి అమృత పాండే.. ఏమైంది?

కల్కి 2898 ఎడి చిత్రంలో ప్రభాస్, కమల్ హాసన్ పాత్రలు స్పూర్తి వారివేనట

అశోక్ గల్లా, వారణాసి మానస చిత్రం పేరు దేవకీ నందన వాసుదేవ

కామెడీ, హర్రర్ తో తిండిబోతు దెయ్యం ప్రారంభం

తర్వాతి కథనం
Show comments