దారిద్ర్య దహన శివస్తోత్రం

కార్తీక మాసంలో శివునిని ఈ స్తోత్రము ద్వారా స్తుతించినట్లైతే దారిద్ర్యాలు తొలగిపోతాయి. అష్టైశ్వర్యాలు చేకూరుతాయి. ఈతిబాధలుండవని ఆధ్యాత్మిక నిపుణులు సూచిస్తున్నారు. విశ్వేశ్వరాయ నరకార్ణవ తారణాయ కర్ణా

కార్తీక మాసంలో శివునిని ఈ స్తోత్రము ద్వారా స్తుతించినట్లైతే దారిద్ర్యాలు తొలగిపోతాయి. అష్టైశ్వర్యాలు చేకూరుతాయి. ఈతిబాధలుండవని ఆధ్యాత్మిక నిపుణులు సూచిస్తున్నారు. 

విశ్వేశ్వరాయ నరకార్ణవ తారణాయ 

కర్ణామృతాయ శశిశేఖరధారణాయ ।

కర్పూరకాంతిధవళాయ జటాధరాయ

దారిద్ర్య దుఃఖదహనాయ నమః శివాయ ॥ ౧॥

గౌరీప్రియాయ రజనీశకళాధరాయ

కాలాంతకాయ భుజగాధిప కంకణాయ ।

గంగాధరాయ గజరాజ విమర్దనాయ

దారిద్ర్య దుఃఖదహనాయ నమః శివాయ ॥ ౨॥

భక్తప్రియాయ భవరోగ భయాపహాయ

ఉగ్రాయ దుఃఖభవసాగరతారణాయ ।

జ్యోతిర్మయాయ గుణనామ సునృత్యకాయ

దారిద్ర్య దుఃఖదహనాయ నమః శివాయ ॥ ౩॥

చర్మాంబరాయ శవభస్మవిలేపనాయ

భాలేక్షణాయ మణికుణ్డలమణ్డితాయ ।

మంజీరపాదయుగళాయ జటాధరాయ

దారిద్ర్య దుఃఖదహనాయ నమః శివాయ ॥ ౪॥

పఞ్చాననాయ ఫణిరాజవిభూషణాయ

హేమాంశుకాయ భువనత్రయమణ్డితాయ ।

ఆనన్దభూమివరదాయ తమోమయాయ

దారిద్ర్య దుఃఖదహనాయ నమః శివాయ ॥ ౫॥

భానుప్రియాయ భవసాగరతారణాయ

కాలాన్తకాయ కమలాసనపూజితాయ ।

నేత్రత్రయాయ శుభలక్షణ లక్షితాయ

దారిద్ర్య దుఃఖదహనాయ నమః శివాయ ॥ ౬॥

రామప్రియాయ రఘునాథవరప్రదాయ

నాగ/నామ ప్రియాయ నరకార్ణవతారణాయ ।

పుణ్యేషు పుణ్యభరితాయ సురార్చితాయ

దారిద్ర్య దుఃఖదహనాయ నమః శివాయ ॥ ౭॥

ముక్తేశ్వరాయ ఫలదాయ గణేశ్వరాయ

గీతప్రియాయ వృషభేశ్వరవాహనాయ ।

మాతఙ్గచర్మవసనాయ మహేశ్వరాయ

దారిద్ర్య దుఃఖదహనాయ నమః శివాయ ॥ ౮॥

వసిష్ఠేన కృతం స్తోత్రం సర్వరోగనివారణం ।

సర్వసంపత్కరం శీఘ్రం పుత్రపౌత్రాదివర్ధనమ్ ।

త్రిసంధ్యం యః పఠేన్నిత్యం స హి స్వర్గమవాప్నుయాత్ ॥ ౯॥

॥ ఇతి శ్రీవసిష్ఠవిరచితం దారిద్ర్యదహనశివస్తోత్రం సంపూర్ణమ్ ॥