23-12-2018 ఆదివారం దినఫలాలు - విందులు వినోదాల్లో మితంగా...

మేషం: ప్రింటింగ్, స్టేషనరీ రంగాలలో వారు అచ్చుతప్పులు పడుటవలన మాటపడవలసి వస్తుంది. సతీసమేతంగా ఒక పుణ్యక్షేత్రాన్ని సందర్శిస్తారు. ఇతరుల స్థితిగతులతో పోల్చుకుని నిరుత్సాహం చెందుతారు. పాతమిత్రుల కలయికతో గత విషయాలు జ్ఞప్తికి వస్తాయి. ఎదుటివారితో ముక్తసరిగా సంభాషిస్తారు.

వృషభం: కుటుంబ సభ్యుల కోసం ధనం బాగుగా వ్యయం చేస్తారు. నిరుద్యోగులకు మెరుగైన అవకాశం లభిస్తుంది. మీ మౌనం వారికి గుణపాఠమవుతుంది. అనుకున్నది సాధించే వరకు అవిశ్రాంతంగా శ్రమిస్తారు. మీ సంతానం అత్యుత్సాహాన్ని అదుపులో ఉంచడం మంచిది. దూరప్రయాణాలు చికాకు కలిగిస్తాయి.  

మిధునం: వృత్తిపరంగా ప్రముఖులతో పరిచయాలు పెంచుకుంటారు. రాజకీయనాయకులు విందులు వినోదాల్లో మితంగా ఉండాలి. స్త్రీల కోరికలు, అవసరాలు నెరవేరుతాయి. తలపెట్టిన పనులు నెమ్మదిగా సాగుతాయి. పెద్దల ఆరోగ్యం గురించి ఆందోళన చెందుతారు. వస్త్ర, ఫ్యాన్సీ, పచారీ వ్యాపారాలు ఊపండుకుంటాయి.  

కర్కాటకం: వ్యాపారాల్లో నష్టాలు, ఆటంకాలను అధిగమిస్తారు. నిరుద్యోగులకు ఇంటర్వ్యూ సమాచారం అందుతుంది. వాహనం నడుపునపుడు జాగ్రత్త అవసరం. సోదరీసోదరుల మధ్య సఖ్యతాలోపం, కలహాలు చోటు చేసుకుంటాయి. సభలు, సమావేశాల్లో చురుకుగా వ్యవహరిస్తారు. విజ్ఞతతో మీ ఆత్మాభిమానం కాపాడుకుంటారు.  

సింహం: ప్రింటింగ్ రంగాల వారికి బకాల వసూళ్ళల్లో శ్రమాధిక్యత, ప్రయాసలు తప్పవు. పెరిగన ధరలు చాలీచాలని ఆదాయంతో సతమతమవుతారు. దైవ, సేవా కార్యక్రమాలలో పాల్గొంటారపు. విద్యార్థులకు అత్యుత్సాహం తగదు. మీ అభిప్రాయాలను సూచనప్రాయంగా తెలియజేయండి. ఒక సంఘటన ఆందోళన కలిగిస్తుంది. 

కన్య: సమావేశానికి ఏర్పాట్లు చేయడంలో ఇబ్బందులు ఎదురవుతాయి. ఆకస్మిక ఖర్చులు, సమయానికి ధనం సర్దుబాటు కాకపోవడం వలన ఒకింత ఇబ్బందులు తప్పవు. బంధుమిత్రులను కలుసుకుంటారు. కుటుంబ వ్యవహారాలు మీ మాట ప్రకారమే సాగుతాయి. పత్రికా సిబ్బందికి వార్తల ప్రచురణలో పునరాలోచన మంచిది.   

తుల: కొత్త పనులు చేపట్టకుండా ప్రస్తుతం చేస్తున్న వాటిపైనా శ్రద్ధ వహించండి. ఎదుటివారి అంతర్యం గ్రహించండి. మీ అభిరుచులకు తగిన విధంగా కుటుంబ సభ్యులు మసలుకుంటారు. మిత్రుల కలయికతో పరిచయాలు, వ్యాపకాలు విస్తరిస్తాయి. శ్రీమతి సలహా పాటించడం చిన్నతనంగా భావించకండి. 

వృశ్చికం: మత్స్య, కోళ్ళ వ్యాపారస్తులకు లాభదాయకంగా ఉంటుంది. పుణ్యక్షేత్రాల దర్శనం వలన మానసిక ప్రశాంతత చేకూరుతుంది. ఆకస్మిక ఖర్చులు, సమయానికి ధనం సర్దుబాటు కాకపోవడం వలన ఒకింత ఇబ్బందులు తప్పవు. స్త్రీలకు పనివారలతో చికాకులు, శ్రమ అధికం. ఏ వ్యక్తికీ అతి చనువు ఇవ్వడం మంచిది కాదు. 

ధనస్సు: దంపతుల మధ్య అన్యోన్యత నెలకొంటుంది. కొన్ని వ్యవహారాలు అనుకూలించినా మరికొన్ని ఆందోళన కలిగిస్తాయి. బంధువుల రాకతో ఊహించిన ఖర్చులే ఉంటాయి. దూరప్రయాణాలలో ఇబ్బందులు తప్పవు. కుటుంబ, ఆర్థిక సమస్యలు సర్దుకుంటాయి. నోరు అదుపులో ఉంచుకోవడం శ్రేయస్కరం.  

మకరం: ఉపాధ్యాయులు విశ్రాంతిని పొందుతారు. అతిధి మర్యాదలు బాగుగా నిర్వహిస్తారు. వాహనం ఇతరులకు ఇచ్చి ఇబ్బందులను ఎదుర్కుంటారు. ఆలయ సందర్శనాలలో చిన్నచిన్న చికాకులను ఎదుర్కుంటారు. దీర్ఘకాలిక పెట్టుబడుల విషయంలో ఒక నిర్ణయానికి వస్తారు. కావలసిన వ్యక్తుల కలయిక అనుకూలించదు.    

కుంభం: కొబ్బరి, పండ్లు, పూలు, చిరు వ్యాపారులకు లాభదాయకం. మీ సమర్థతకు గుర్తింపు లభిస్తుంది. బంధువుల రాకతో పనులు మందకొడిగా సాగుతాయి. సంతానం గురించి ఆందోలన చెందుతారు. స్త్రీలకు షాపింగ్ వ్యవహారాల్లో జాగ్రత్త అవసరం. ఒక్కోసారి మీ జీవిత భాగస్వామి మనస్థత్వం అర్థం చేసుకోవడం కష్టమవుతుంది.   

మీనం: బంధువులతో సంబంధ బాంధవ్యాలు బలపడుతాయి. స్త్రీలకు పనివారితో ఇబ్బందులు తప్పవుత. మీరు చేయు యత్నాలకు అన్ని విధాలా సహాయ సహకారాలు అందిస్తారు. కుటుంబానికి మీరు అవసరం కనుక వ్యసనాలకు దూరంగా ఉండండి. వ్యాపారాల్లో స్వల్ప చికాకులు మినహా ఇబ్బందులు లుండవు.