పాములు ఇంట్లోకి వస్తేనే ఆమడ దూరంలో పారిపోయేవారు చాలామంది వుంటారు. అలాంటిది నిద్రపోతున్న యువకుడి ప్యాంటులో పాము దూరితే ఇంకేమన్నా వుందా? అలాంటి ఘటనే ఉత్తరప్రదేశ్‌లోని మీర్జాపూర్ జిల్లాలో ఇది జరిగింది. వివరాల్లోకి వెళితే.. సికందర్‌పూర్‌ గ్రామంలో విద్యుత్ స్తంభాలు, వైర్లు ఏర్పాటు చేసే పనులు అధికారులు చేపట్టారు.
లవ్లేష్ అనే వ్యక్తి పనులు చేస్తూ తోటి కార్మికులతో అంగన్‌వాడీ కేంద్రంలో నిద్రపోయాడు. అనుకోకుండా ఓ సర్పం వచ్చి అతడి ఫ్యాంటులో దూరింది. వెంటనే అతడు ఏదో దూరిందని గమనించి పైకిలేచి చూశాడు.
పాము కనిపించడంతో భయంతో ఎటూ కదలకుండా ఓ స్థంబాన్ని ఆసరాగా చేసుకొని రాత్రంతా నిలబడే ఉన్నాడు. ఈ విషయం తెలిసి ఉదయం స్థానికులు పాములు పట్టే వ్యక్తిని పిలిచి బయటకు తీశారు. ముందస్తు జాగ్రత్తగా అంబులెన్స్‌ను కూడా తెప్పించారు. ఆ పాము అతన్ని కాటు వేయకపోవడంతో ప్రాణాపాయం తప్పింది.
ప్యాంట్ లోకి పాము దూరడంతో అతడికి నరకం చూపించింది. ఏడు గంటల పాటు అందులోనే ఉండటంతో రాత్రంతా అలాగే కదలకుండా నిలబడి ఉన్నాడు. తీరా పాములు పట్టే వ్యక్తి వచ్చి చాకచక్యంగా బయటకు తీయడంతో ప్రమాదం తప్పింది.