కుర్‌కురే పాకెట్‌ ఆశ చూపి ఆరేళ్ళ చిన్నారిపై తాపీమేస్త్రి అత్యాచారం

కామాంధులు పసిమొగ్గలను కూడా వదిలిపెట్టడం లేదు. మూడేళ్ల చిన్నారి నుంచి 70 యేళ్ల ముదుసలికి సైతం రక్షణ కరువైంది. తాజాగా ఓ తాపీమేస్త్రి ఆరేళ్ళ చిన్నారిపై అత్యాచారానికి పాల్పడ్డాడు. అభంశుభం తెలియని ఆ చిన్నా

కామాంధులు పసిమొగ్గలను కూడా వదిలిపెట్టడం లేదు. మూడేళ్ల చిన్నారి నుంచి 70 యేళ్ల ముదుసలికి సైతం రక్షణ కరువైంది. తాజాగా ఓ తాపీమేస్త్రి ఆరేళ్ళ చిన్నారిపై అత్యాచారానికి పాల్పడ్డాడు. అభంశుభం తెలియని ఆ చిన్నారికి కుర్‌కురే ప్యాకెట్‌కొని ఇస్తానని ఆశచూపి ఈ దారుణానికి పాల్పడ్డాడు. బెంగుళూరులోని అమృతవళ్లి ప్రాంతంలో ఈ దారుణం వెలుగు చూసింది.

ఈ వివరాలను పరిశీలిస్తే, అమృతహళ్లి ప్రాంతంలో నివశించే ఓ ఆరేళ్ళ చిన్నారి ఇంటి ఎదుట వీధిలో ఆడుకుంటున్నది. ఆ చిన్నారి తాపీమేస్త్రిగా పని చేసే నవీన్‌ అనే కామాంధుడి కంట పడింది. ఆ చిన్నారితో తన కామకోర్కె తీర్చుకోవాలని ప్లాన్ వేశాడు. అంతే కుర్‌కురే ప్యాకెట్ కొనిస్తానని ఆశచూపి చిన్నారిని నిర్జన ప్రదేశానికి తీసుకెళ్లి అత్యాచారానికి పాల్పడ్డాడు. 

ఆ తర్వాత తీసుకొచ్చి ఇంటికి సమీపంలో దింపి వదిలి వెళ్లిపోయాడు. అయితే, బాలిక ఏడుస్తూ ఇంటికి రావడంతో తల్లిదండ్రులు ఆరా తీయగా అసలు విషయం చెప్పింది. ఆ వెంటనే బాలికను ఆస్పత్రికి తరలించారు. బాలిక తల్లిదండ్రుల ఫిర్యాదు మేరకు అమృతహళ్లి పోలీసులు కేసు నమోదు చేసి పారిపోయిన నవీన్‌ను ఆదివారం అరెస్టు చేశారు.